سەرنووچە:

سەرۆکێ ئەمریکا دخازیت ب زوویترین دەم ئاریشا ئیسڕائیل و فەلەستین بهێتە چارەسەرکرن

فۆتۆ: 
2021-05-13

315 جار خوێندراوەتەوە

د پەیوەنیەکا تەلەفۆنی دا دگەل بنیامین نەتانیانهۆی سەرۆک وەزیرێن  ئیسرائیل، جۆبایدن سەرۆکێ ئەمریکا هیڤی خاست ب زوویترین دەم سنورەک بۆ هەڤرکیا دناڤبەرا فەلەستینیان و ئیسڕائیل دا بهێتە دانان.

جۆبایدن سەرۆکێ ئەمریکا د کۆنفرانسەکێ نووچەی دا ڕاگەهاند، "هیڤێ دکەم د ڤان نێزیکاندا هەڤرکیا وان ب داوی بهێت، لێ ئیسڕائیل مافێ وێیە بەڕەڤانیێ ژ خۆ بکەت".

هەڤدەم، وەزارەتا دەرڤە یا ئەمریکا د ڕاگەهاندنەکێ دا ئاشکەرا کر، ئەنتۆنی بلینکن وەزیرێ دەرڤەیێ وی وەلاتی د پەیوەندیەکا تەلەفونی دا دگەل سەرۆک وەزیرێن ئیسڕائیل بنیامین نەتانیاهو ئەنجام دا، ئەوژی هەڤدەمە دگەل زێدەبوونا بۆردومانێن ئیسڕائیل و فەلەستینیان.

د پەیوەندیا تەلەفۆنی دا بلینکن دلگرانیا خۆ دەربارەی هێرشێن موشەکی یێن بۆ سەر ئیسڕائیل و دووبارە داخازێ ژ تەڤایا ئالیان کر ئالۆزیان کێم بکەن.

ڕاگەهاند ژی، پێتڤیە ئیسڕائیل و فەلەستین ب پاراستی بژین.

هەڤدەم، وەزیری بەڕەڤانیا ئەمریکا بەلاڤکریە، لوید ئۆستن وەزیرێ بەڕەڤانیا وێ وەلاتی د پەیوەندیەکا تلەفۆنی دا دگەل هاوتا ئیسڕائیل تەکەز لسەر پشتەڤانیکرنا ئەمریکا لسەر مافێن ئیسڕائیل بۆ بەڕەڤانیکرنێ ژ خۆ کر.

جۆن کیربی پەیڤداری وەزارەتا بەڕەڤانیا ئەمریکا د ڕاگەهاندنەکێ دا دیارکر، "وەزیر ئوستن پشتەڤانیا وەزارەتاخۆ لسەر مافێ ئیسڕائیلێ بۆ بەڕەڤانیکرنێ ژ خۆ و گەلێ خۆ زەلال دکەت و ب دژواری بەحسا موشەکان کرییە یێن ژ ئالیێ حەماس و گرۆپێن تیرۆریستان بۆ سەر ئیسڕائیلێ".

دبێژیت، "ئۆستن تەکەز ل وێیەکێ کریە پێتڤیە تەڤایا ئالیان هەمی بزاڤان بدەن بۆ ڤەگەراندنا ئارامیێ بۆ دەڤەرێ".

شەڤا ٩ی ڤێ مەهێ نڤێژکەران پشتی ئەنجامدانا نڤێژا تەراویحان، ب دژی ئاکنجیبوونا جوهیان ل تاخێ شێخ جەڕاح خونیشاندان ئەنجامدان و ب وی سەدەمی ئالۆزیی دروستبوون، د ئەنجام دا زێدەتر ژ ٢٠٠ فەلەستینیا و نێزیکی ١٥ پۆلیسێن ئیسڕئیلێ برینداربوون.