سەرنووچە:

سەرۆکێ هەرێما کوردستانێ دەربارەی هێرشا داعش پەیامەک بەلاڤکر

فۆتۆ: 
2021-05-12

250 جار خوێندراوەتەوە

نێچیرڤان بارزانی سەرۆکێ هەرێما کوردستانێ د پەیامەکێدا دەربارەی هێرشا شەڤا دەربازبووی یا داعش بۆ سەر هێزێن پێشمەرگەیێ کوردستانێ ڕاگەهاند "تەکەست ژ پێتڤیا بلەزکرن ل هەڤبەندیا دناڤبەرا پێشمەرگە و ئارتێشا عێراقێ ل وان ناڤچەیان دکەم".

ئەڤرۆ چارشەمبی، نێچیرڤان بارزانی سەرۆکێ هەرێما کوردستانێ دەربارەی هێرشا شەڤا دەربازبووی داعش ل تویتەکێدا ئاماژە ب وێ یەکێ دا، "ب توندی ئیدانا هێرشا شەڤا دەربازبووی یا تیرۆرستێن داعش ل سنورێ کفری دکەم".

ئەو یەک ژی بەرچاڤکر، "تەکەست ل پێتڤیا بلەزکرن ل هەڤبەندیا دناڤبەرا پێشمەرگە و ئارتێشا عێراقێ ل وان ناڤچەیان دکەم".

شەڤا دەربازبووی، گروپێ چەکداریێ داعش هێرشکرە سەر هێزێن پێشمەرگە ل هەردوو گوندێن بەلەگە و هۆمەربەل ل نێزیک باژێرکێ نەیجول و ژ سەدەما وێ یەکێ ژی دوو پێشمەرگە برینداربوون، کو پشتی دەمەکێ ژ بویەرێ ئێکێ ژیانا خۆ ژدەستدا.

ژ ئالیەکێ دی ژی، شەڤا دەربازبووی رێڤەبەرێ ئاسایشا باژێرکێ کۆکس ل گەرمیان بو ئێن ئاڕ تی ڕاگەهاند، ژمارەیەکا چەکدارا لسەر پرا حەلوان ل باکورێ باژێرکێ جەلەولا، هێرشکرە سەر ئارتێشا عێراقێ و ژ سەدەما وێ یەکێ دوو سەرباز بریندارن.

شەڤا ئێکێ ڤێ مەهێ ژی، چەکدارێن داعش ل سنورێ پردێ و ل نێزیک گوندێ قایەباشی، هێرشکرە سەر دوو سەنگەرێن سەربازی یێن پێشمەرگە ویەرهنگاربوون دناڤبەرا هێزێن پێشمەرگە و چەکدارین داعشدا درستبوو، کو تێدا شەهید و بریندار ل رێزێن پێشمەرگەدا کەفتن.

ئەو ژی ل دەمەکیدایە، ل بەشەکێ ل ناڤچەیێن عێراقێدا ژ سەدەما نەبوونا هەڤبەندی دناڤبەرا هێزێن ئەولەهیێ و هەبوونا فرەهێزا ل ناڤچەیێ دا، بوویە سەدەما وێ چەکدار و بتایبەتی چەکدارێن داعش چالاکی و لڤینان زێدە بکەن و وێ بۆشایێ بکاربینن و هێرشێ بکەنە سەر گوند و باژێرکێن سنوری، کو ل هێرشێ دا، بەدەر ل هێزێن ئەولەهیێ، وەلاتی ژی بەرهنگاری رەڤاندن و کوشتن و برینداربوونێ دبن.

هـ.ر