سەرنووچە:

بڕیارەکا بایدنی گۆهڕانکاریێن مەزن د بهایێ دراڤێن ئەلیکترۆنی دا دروستکر

فۆتۆ: 
2021-04-24

348 جار خوێندراوەتەوە

پشتی سەرۆکێ ئەمریکا پیلانا زێدەکرنا باجێ لسەر سەرمایە و داهاتان ڕاگەهاندی، بتنێ د دەما ئێک رۆژدا، بیتکۆین و دراڤێن دیێن ئەلیکترۆنی، ب رێژەکا بلند بهایێ خۆ ژدەستدا، ڤێژی زەرەر گەهاندە ئاستێ بەرهەمهێنانا وان دڕاڤان.

ڕۆپەلا سکای نیوز یا بەریتانی ڕاپۆرتەک بەلاڤکریە و تێدا هاتیە، ئیدارا جۆ بایدن سەرۆکێ ئەمریکا دپلاناویدایە کۆمەلەکا گوهڕانکاریێن پێشنیارکری د یاسایا باجا ئەمریکادا بکەت، ب رێکا ڤێ پلانێژی کۆژمێ باجێ بۆ دووجاری زێدەدکەت بتایبەتی لسەر ئەوێن کو داهاتێ وان زێدەتر ژ ئێک ملیۆن دۆلاران.

د نهادا بهایێ ئێک بیتکۆینی بۆ ٥٠ هزار و ٩٣ دۆلاران بلندبوویە پشتی وێیەکێ بۆ ٤٧ هەزار و ٥٥٥ دۆلاران داکەت.

د دەمێ دەربازبوویدا بهایێ دراڤێ ئەلیکترۆنی بیتکۆینی بلندترین ئاست تۆمارکر و بهایێ بیتکۆینی ب رەنگەکێ بەرچاڤ بلندبوون بخۆڤە دیت ب جۆرەکی ئێک بیتکۆین گەهشتە ٥٦ هزار و ٥٠١ دۆلاران.

هەرچەندە هێشتا چ بانکەکا ناڤەندی دانپێدان ب بیتکۆینی نەکریە و ئامادە نینە پشتەڤانیا وی دراڤێ ئەلیکترۆنی بکەت، لێ لسەر ئاستێ جیهانێ دا بانک بەرەڤ دەمەزراندنا دراڤێ ئەلیکترۆنیی ێ تایبەت ب خۆڤە پێنگاڤا دهاڤێژن.

بیتکۆین، بریتە ژ دراڤەکێ ئەلیکترونی کو پشتگرێدایی تەکنەلوژیا بلۆکچیە د هێتە چاڤەرێکرن یەکەم دراڤێ ئەلیکترنی بیت کو ل داهاتیدا ب تەمامی جهێ دراڤێ کاغەزی بگریت، پێشبینیا وێیەکێ ژی دهیتە کرن، کو ئەو دراڤە د پێنج سالێن بهێتدا ٢٠٠ هزار دۆلاران دەربازبکەت.