سەرنووچە:

بهایێ پەتڕۆلێ د بازارێن جیهانێ دا

فۆتۆ: 
2021-04-21

271 جار خوێندراوەتەوە

ئەڤرۆ چارشەمبی، بهایێ بەرمیلەکێ پەتڕۆلا خاڤا برێنت د بازاڕێن جیهانێ دا ب ٦٦ دۆلار و حەفت سەنتایە، بڤێ یەکێ ژی بهایێ پەتڕۆلێ ب ئێک دۆلار و ٦٧ سەنتان داکەتیە و بهایێ بەرمیلەکا پەتڕۆلا خاڤا ئەمریکی ژی د بازارێن جیهانێ دا ب ٦٢ دۆلار و ١٤ سەنتان سەرەدەری دگەل دا دهێتەکرن.

د مەها دەربازبوویدا، بهایێ پەترۆلێ بۆ سەر ٧٠ دۆلاران بلندبوویە، کو ئێکەمجار ل پشتی وێ ل سالا دەربازبووی ژ ئەگەرێ بەلاڤبوونا ڤایرۆسا  کۆرۆنایێ و ژ کارکەفتنا کارگەهێن مەزنێن جیهانێ و ڕاگرتنا لڤینێن ئامیر و ترۆمبێلان، بهایێ پەترۆلێ بۆ نزمترین ئاست د دیرۆکێ دا داکەت.

ل ئادار و نیسانا سالا دەربازبووی ژی دا، بهایێ پەتڕۆلا خاڤا برێنت بۆ خار ٢٥ دۆلار و پەتڕۆلا خاڤا ئەمریکی ژی بۆ ئێکەمجار د دیرۆکی دا بۆ ٣٧ دۆلاران بن سفرێ داکەت.