سەرنووچە:

دێ چاوا شێی جگارە کێشانێ هێلی؟

فۆتۆ: 
2021-04-18

481 جار خوێندراوەتەوە

هندەک گۆهورینێن بچیک د شێوازێ ژیانا تەدا دشێن هاریکاریا تە بکەن بۆ وێیەکێ ژ جگارەکێشانێ دووربکەڤی.

ل گۆڕەی بەلاڤکرنەکا رۆپەلا ئێن ئێچ ئێس، ب چەند رێکان دێ شێی ب رەنگەکێ  باش دوربکەڤی ژ جگارە کێشانێ:

١- ب ڕەنگەکێ ئەرێنی هزربکە و نەبێژە چەند جارێن دی من بزاڤکرنە و من نەشیایە دەستا ژێ بەردەم.

٢- پلانەکا گونجای دانێ بۆ کێمکرنا جگارە کێشانێ هەیا دگەهیتە وێیەکێ هەر نەکێشی، سوزێ ب خۆ بدە دەمی بۆ خۆ بدانی.

٣- هندەک خوارن سەدەمن بۆ وێیەکێ زێدەتر خۆشیێ ژ کێشانا جگارێ ببینی وەکی گوشت، ژبەر وێیەکێ ئەوان خوارنان کێمبکە و ئەوان خوارنان بخۆ ئەوێن کو خۆشیێ بۆ جگارێ کێم دکەن وەکی پەنیر و کەسکاتی.

٤- ڤەخوارنێن وەکی چا و قەهوە و کۆلا و کحولی وەدکەن زێدەتر خوشیێ ژ جگارەکێشانێ ببینی، ژبەر وێیەکێ دوربکەڤە یان ژی گەلەک کێمبکە.

٥- بزاڤان بکە هەڤالان بۆ خۆ پەیدا بکە، بۆنمونە هەڤالەکی تە یان ئێک ژ ئەندامێن خێزانا تە کو دخازیت دەستا ژ جگارە کێشانێ برەدەت وەکی تە، پێکڤە دەستا ژێ بەردەن، ئەڤەژی پالدەرەکێ باشە بۆ هەوە هەردوکان.

٦- وەرزش هەڤکاریێ دکەت لسەر وێیەکێ مێشکێ تە هایداربیت دژی ماددەیێن کێمیای بۆ لەشی.

٧- دەما ل جهەکێ ڕادوەستی دگەل کەسێن جگارا نەکێش راوەستە، بزاڤان بکە هەردەم چوار دەورێن تە جگارەکێش نەبن.

٨- دەڤێ خۆ ب جوتنا بەنیشتی مژیل بکە، بزاڤان بکە دەستێن تە نەد ڤالا بن، ژبەرکو دەما چ نەبیت بکەی دێ حەزا تە بۆ جگارەکێشانی چیتن.

و.ح