سەرنووچە:

ژ بەغدا چەند پارە دێ بۆ هەرێمێ هێن؟

فۆتۆ: 
2021-04-18

1632 جار خوێندراوەتەوە

بریکارێ بەرێ یێ وەزارەتا دارایی یا حکومەتا عێراقێ ڕاگەهاند، ئەو پارێ ژ بەغدا دهێت بۆ هەرێمێ گەلەک نینە و مەهانە ٧٥ بۆ ١٠٠ ملیار دینار دێ بۆ هەرێمێ هێن.  

فازل نەبی بریکارێ بەرێ یێ وەزارەتا دارایی یا حکومەتا عێراقێ د پانۆرامایا ئێن ئاڕ تیدا ڕاگەهاند، " ئەو پارێ ژ بەغدا دهێت بۆ هەرێمێ گەلەک نینە و مەهانە ٧٥ بۆ ١٠٠ ملیار دینار دێ بۆ هەرێمێ هێن"، دبێژیت، "ئەگەر هەرێمێ و بەغدا بڤێت د نیڤ دەمژمێریدا دشێن وی کۆژمی ئێکلا بکەن یێ کو بۆ هەرێمێ دهێت".

ئەوژی دیارکر، "پێتڤیە شاندەکێ هەریمێ بچیتە بەغدا بۆ وێیەکێ گڤاشتنان بکەت کو بزیترین دەم پشکا هەرێمێ بهنێریت".

دەربارەی دەمێ هاتنا پارەی، بریکارێ بەرێ یێ وەزارەتا دارایی یا حکومەتا عێراقێ گوتبوو، حکومەتا عێراقێ حەفتیا بهێت دێ دەست ب مەزاختنا بودجەی کەت و پشکا هەرێما کوردستانێ ژی دێ هێتە هنارتن، چونکە ڤێ حەفتیێ وەزارەتا دارایی دێ ژ پێداچونێ و دەرئێخستنا رێنمایێن بودجەی دێ بداوی هێت.

ئەڤەژی پشتی وێیەکێ دهێت، ددەما بووریدا و ب پتریا دەنگان، پرۆژە یاسایا بودجەیا سالا ٢٠٢١ێ یا عێراقێ هاتە پەسەندکرن وتێدا، پشکا کوردان لهەمبەر ٢٥٠ هزار بەرمیلێن پەتڕۆلێ و بەشەک ژ داهاتێ ناڤخۆ، هاتە جێگیرکرن، لێ هە یا نها جێبەجێنەکریە و چ کۆژمەکی پارەی بۆ هەرێمێ نەهاتیە.