سەرنووچە:

لژنەیا داراییا پەرلەمانێ عێراقێ ئامادەکاریان بۆ بودجەیا ٢٠٢٢ دکەت

فۆتۆ: 
2021-04-15

386 جار خوێندراوەتەوە

لژنەیا داراییا پەرلەمانێ عێراقێ ڕاگەهاند، حکومەتا فیدڕالی بزاڤان دکەت ژ ناڤەراستا ئەڤسالەدا بودجێ سالا ٢٠٢٢ێ ئامادەبکەت. دبێژیت ژی، بۆ ڤێ مەرەمێ حکومەتێ لژنەیەک پێکئینایە.

 جەمال کۆچەر ئەندامێ لژنەیا داراییا پەرلەمانێ عێراقێ ب رۆژنامەیا سەباحا فەرمی ڕاگەهاند، حکومەتێ لژنەیەک بۆ ئامادەکرنا بودجەیا سالا ٢٠٢٢ ئامادەکریە و داخاز ژ لژنەیێ کریە ناڤێن نوینەرێن خۆ دوێ لژنەیێدا بگەهیننە دەستێ حکومەتێ.

ئاماژە ب وێیەکێ کریە، هەلبژارتنێن بەروەختێن عێراقێ نەچارکرینە ڤێ پێنگاڤێ ب هاڤێژن بۆ هندێ چ بوشاییەکا یاسایی دروستنەبیت، ژبەرکو دبیت بەری دەمێ بڕێڤە چونا هەلبژارتنان پەرلەمان خۆ ب هەلوەشینیت.

ئەوژی دایە دیارکرن، ئەگەر حکومەتا فیدڕال بکاریت بودجەی ئامادە بکەت دێ پەرلەمانێ بهێت کاریت دەنگی لسەر بدەت.

لدەمێ دەربازبوویژیدا و پشتی چەندین جارێن پاشدائێخستنێ و داوی جار پەرلەمانێ عێراقێ دەنگ لسەر بودجێ ٢٠٢١ێ و تێدا پشکا هەرێمێ لگورەی ماددێ ١٠ و ١١ێ هاتە جێگیرکرن.