سەرنووچە:

ببەلگە.. بەنکا ناڤەندیا عێراقێ دۆلارێ زێدە ئێخستە د بازاریدا

فۆتۆ: 
2021-04-14

433 جار خوێندراوەتەوە

بەنکا ناڤەندیا عێراقێ بڕیاردا ژ پێخەمەت جێگیرکرنا بهایێ دۆلاری و دراڤێ بیانی، پشکا فرۆتنا دۆلاری ل بازاریدا بۆ چار گرۆپێن جیاواز ب بهایێ زێدەتر ژ دوو ملیۆن دۆلارا زێدەکر.

بەنکا ناڤەندیا عێراقێ ڕاگەهاندنەک بەلاڤکر و تێدا هاتیە، ژ پێخەمەت بەرسڤدانا خاستا لسەر نەختینە و گرنتی کرنا سەقامگیریا بهایێ دراڤی، بریارا زێدەکرنا فروتنا دراڤێ بیانی ب گشتی و دۆلار ب تایبەتی دەرکر.

ل گورەی ڕاگەهاندنێ، پشکا فروتنا دۆلارێ بەنک و کومپانیێن تایبەت ب بازاڕێ دراڤی و ل گروپێن A و B و C زێدەکرینە.

ل گورەی ڕاگەهاندنێ:

-  پشکا بەنکێ ٢٠٠ هزار دۆلار.

- کۆمپانیا فروتنا دراڤێ A ئێک ملیون و ٥٠٠ هزار دۆلار.

- کۆمپانیا فروتنا دراڤێ B ٥٠٠ هزار دۆلار.

- کۆمپانیا فروتنا دراڤێ C ٥٠ هزار دۆلار.

ل دەما دەربازبوویدا بەنکا ناڤەندیا عێراقێ ڕاگەهاند، بهایێ دۆلاری هاتیە جێگیرکرن بۆ وەلاتیان و بهایێ ئێک دۆلار بەرامبەر ب هزار و ٤٧٠ دینارێن عێراقی هاتیە جێگیرکرن، کو بهایێ ١٠٠ دۆلارا بەرامبەر ب ١٤٧ هزار دینارایە.

بەنکا ناڤەندیا عێراقێ ڕاگەهاند، پشتی کو وەزارەتا دارایی بهایێ دۆلاری ل بودجەیا سالا داهاتیدا ب ١٤٥ هزار دینارا دیارکری، ئەو بها بۆ نڤیسینگەها و بۆ وەلاتیان دێ جیاواز بیت.

ئاماژە ب وێ یەکێ ژی کر، بهایێ ١٠٠ دۆلار کرین ژ وەزارەتا دارایی ب ١٤٥ هزار دینار و بۆ بەنکان ب ١٤٦ هزار دینار و بۆ وەلاتیان ژی ب ١٤٧ هزار دینارا مامەلە پێدهێتەکرن.

ئەڤە ددەمەکیدایە بهایێ دۆلاری ب نەجێگیری دناڤبەرا بلندبوون و نزمبوونێ دایە و زیانەکا زور ب چینا ناڤەند و هەژارا جڤاکا عێراقێ گەهاندیە و بهایێ پێتڤیان و خارنێ بلندبوویە و نەرازیبوونا جادە و ئالیێن سیاسی بدیڤ خو دا ئینایە.

هـ.ر

No description available.