سەرنووچە:

بهایێ دۆلاری ریکۆرد شکاند

فۆتۆ: 
2021-04-13

1594 جار خوێندراوەتەوە

بهایێ دۆلاری ل بازارێن هەرێما کوردستانێ بلندبوونەکا مەزن بخۆڤە دیت و د نهادا، ١٠٠ دۆلار بەرامبەر ب ١٤٩ هزار و ١٥٠ دینارە و ئەو ژی، ریکۆردەکا نوییە ل دەما چەندین سالێن دەربازبوویدا.

هەر ئەڤرۆ، بەنکا ناڤەندیا عێراقێ ڕاگەهاند، بهایێ دۆلاری بۆ چەند سالێن داهاتی دێ ب بلندی مینیت و ل داهاتیەکێ نێزیکدا نەشێین بدابەزینن.

هەروەسا ڕاگەهاند، بهایێ نوی یێ دۆلاری چ خرابی نینە، سندوقا نەختێنەیا ناڤدەولەتی رێنمایا عێراقێ کریە ب لایێ کێم بهایێ ئێک دۆلار بۆ ١٦٠ هزار دینارا بلندبکەت.

سپێدەهیا ئەڤرۆ بهایێ ١٠٠ دۆلارا ل بازارێن هەرێما کوردستانێدا ب ١٤٨ هزار دینارا مامەلە پێهاتەکرن، پاشان بۆ ١٤٨ هزار و ٣٠٠ دینارا بلندبوویە، د نهادا ژی ١٤٩ هزار و ١٥٠ دینارە.

ئەو ژی ل دەمەکیدایە، ناڤەراستا مەها کانونا سالا دەربازبووی، عەلی عەلاوی وەزیرێ دارایی یێ عێراقێ داکەتنا بهایێ دینارێ عێراقی بەرامبەر دۆلارێ ئەمریکی ڕاگەهاند و بهایێ ئێک دۆلار بوویە هزار و ٤٥٠ دینار.

هـ.ر