سەرنووچە:

بتکۆین بلندترین بهایێ خۆ تۆمارکر

فۆتۆ: 
2021-04-13

257 جار خوێندراوەتەوە

دراڤێ ئەلیکترۆنی بتکۆین بلندترین بهایێ پیڤانەیی یێ خۆ ب ٦٢ هزار و ٥٧٥ دۆلارا تومارکر. ب ڤێ ژی ئێکەمجارە ل سالا ٢٠٢١ێ دا بلندترین ئاست توماربکەت.

ل ناڤەراستا مەها ئادارێ بۆرسەیا Binance بۆ دراڤێن ئەلیکترۆنی ئاشکراکر، بهایێ ئێک بتکوین گەهشتە ٦٠ هزار و ٢٠٠ دۆلار، لێ پاشان داکەتیە تا ٥٩ بۆ ٦٠ هزار دۆلارا.

ئەو ژی ل دەمەکیدایە، بەری نها بتکۆین گەهشتبوو ٦٠ هزار و ١٢ دۆلار و ئەڤرۆ ژی بۆ ئێکەمجار ئەو بها دەربازکر.

ل مەها ئێکا ئەڤسالە بهایێ بتکۆین بەردەوامە د بلندبوونێ دا و ژ ٣٢ هزار دۆلارا گەهشتیە زێدەتر ژ ٦٠ هزار دۆلارا.

بیتکۆین Bitcoin دراڤەکێ ئەلیکترۆنی خودان کودە و ب ئاوایەکێ ماددی بەردەست نینە، سالا ٢٠٠٨ێ ژ ئالیێ کەسەکێ یان چەند کەسا بناڤێ خازراوێ ساتوشی ناکامۆتۆ بەرنیاس ل سالا ٢٠٠٩ێ برێکا بەرنامەیەکێ ئەلیکترۆنی و بکارئینانا تۆرا ئینترنێتێ دەستکر ب مامەلە پێکرنێ.

ل گورەی پێزانینێن بەردەست، ئێکەم دراڤێ ژمارەییە کو بەنکێ نینە و بۆ ئالوگورکرنێ ژی پێتڤی ب بانکێ نینە. سالا ٢٠١٧ێ بکارئینەرێن وێ دناڤبەرا دوو ملیۆن و ٩٠٠ هزار بۆ پێنج هزار و ٨٠٠ بکارئینەر هەبوون.

بهایێ بیتکۆین ئەڤسالە د جیهانێدا برێژا ٦٢% بلندبوویە و هەڤدەم سالا دەربازبووی ب ئاوایەکێ کتۆپر و بەرچاڤ ب رێژا ٢٠٠% بلندبوون بخۆڤە دیت.

هـ.ر