سەرنووچە:

بهایێ پەتڕۆلێ د بلندیێ دایە

فۆتۆ: 
2021-04-12

353 جار خوێندراوەتەوە

هەڤبەر دگەل چەند سالێن بووری، بهایێ پەتڕۆلێ هەیا ئاستەکی کێم بوویە، لێ هەڤبەر ب سالا بووری، کو سالا سەرهلدان و بەلاڤبوونا کۆرۆنایێ و پاشی ژکارکەفتنا کەرتێ پیشەسازیا جیهانێ بوو، بهایێ پەتڕۆلێ د بلند بوونێدایە.

ئەڤرۆ دووشەمبیێ، بهایێ بەرمیلەک پەتڕۆلا خاڤا برێنت د بازاڕێن جیهانێ دا ب ٦٢ دۆلار و ٩٩ سەنتایە، هەڤبەرکرن بدوهی دوو سەنتان بلند بوویە و بهایێ بەرمیلەکا پەتڕۆلا خاڤا ئەمریکی ژی ب ٥٩ دۆلار و ٣٣ سەنتان سەرەدەری دگەل دهێتەکرن.

ل دەما دەربازبوویدا، بهایێ پەترۆلێ بۆ سەر ٧٠ دۆلارا بلندبوویە، کو ئێکەمجار ل پشتی وێ ل سالا دەربازبووی ژ ئەگەرێ بەلاڤبوونا ڤایرۆسا  کۆرۆنایێ و ژ کارکەفتنا کارگەهێن مەزنێن جیهانێ و راگرتنا لڤینێن ئامیر و ترومبێلان، بهایێ پەترۆلێ بۆ نزمترین ئاست د دیروکێ دا داکەت.

ل ئادار و نیسانا سالا دەربازبوویدا، بهایێ پەترۆلا خاڤا برێنت بۆ خار ٢٥ دۆلار و پەترۆلا خاڤا ئەمریکی ژی بۆ ئێکەمجار د دیروکی دا بۆ ٣٧ دۆلارا لژێر سفرێ داکەت.