سەرنووچە:

رێڤه‌به‌رێ كاروبارێن ئێزديان دەربارەی چوونا سەر گۆرستانان زەلالکرن دا

فۆتۆ: 
2021-04-11

299 جار خوێندراوەتەوە

رێڤه‌به‌رێ گشتى يێ كاروبارێن ئێزديان راگه‌هاند، چوونا سه‌ر مه‌زاران و سه‌ر گۆڕستانان د کەڤانێ رێنمايان دا ئاسايى يه‌. هەڤدەم داخازێ ژی دکەت خەلک ب کێمی سەرەدانا خاس و چاکا بکەن.

خێرى بۆزانى، رێڤه‌به‌رێ گشتى يێ كاروبارێن ئێزديان ل وه‌زاره‌تا ئه‌وقاف و كاروبارێن ئۆلى يا حكومه‌تا هه‌رێما كوردستانێ بۆ ئێن ئاڕ تی گۆت، ب هه‌لكه‌فتا جه‌ژنا چارشه‌مبا سۆر، ل ئێڤارا جه‌ژنا سه‌رێ سالا ئێزديان، ئێزدى قه‌ستا گۆڕستانان دكه‌ن بۆ ئه‌داكرنا ئه‌ركێ خۆ يێ ئۆلى و كرنا خێران ل وێ رۆژێ، له‌و دڤێت سه‌ره‌دان بۆ سه‌ر گۆڕستانان د کەڤانێ رێكارێن خۆپارێزيێ دا بن.

بۆزانى ئاشكرا ژی كر، د کەڤانێ رێنمايان دا دڤێت ماسك ل به‌ر هه‌ر كه‌سه‌كى بن ده‌ما سه‌ره‌دانا خاس و چاكان دكه‌ن بۆ پارستنا خۆ و تەکەزکر، رێنما دگه‌ل كێمبوونا قه‌ره‌باله‌غيێ نه‌ له‌و داخواز كر كێمه‌ك ژ خه‌لكى و بێ دروستبوونا قه‌ره‌باله‌غیێ سه‌ره‌دانا گۆڕستان و خاس و چاكان بكه‌ن.

رێڤه‌به‌رێ گشتى يێ كاروبارێن ئێزديان دوپاتكر، د ڤێ مه‌هێ دا ئێزديان جه‌ژنا سه‌رێ سالێ و چه‌ندين رێوره‌سمێن دى يێن ته‌وافان هه‌نه‌ و دبنه‌ ئه‌گه‌رێ قه‌ره‌باله‌غيه‌كا مه‌زن، داخواز كر ئێزدى د ڤان رۆژان دا نه‌بنه‌ ئه‌گه‌رێ قه‌ره‌باله‌خێ و خۆ ب پارێزن دا ژ ڤێ په‌ژيكا دژوار يا دنيا ڤه‌گرتى دا رزگار بين.

گۆتژى، ژ نوكه‌ و پێدا هه‌موى جهێن ئۆلى دێ د کەڤانێ رێنمايان دا ڤه‌كرى مينن، تا ده‌مه‌كى دى هنده‌ك بڕيارێن نوى ژ حكومه‌تا هه‌رێمێ ده‌ردكه‌ڤن.

ئارام حسێن، دهۆک

و.ح