سەرنووچە:

ل دهۆکێ گەنجەکی بخۆ تۆمەتا دەستەسەرکرنێ بۆ خۆ دروستکر

فۆتۆ: 
2021-04-11

501 جار خوێندراوەتەوە

هێمن سلێمان  ڕاگەهاند، پشتی گەنجەکی دەربارەی هەبوونا بویەرەکا خۆ کوشتنێ پەیوەندی ب پۆلیسان کری دەملدەست پۆلیس گەهشتن جهێ بویەرێ و د ئەنجامدا دەرکەت هەر ئەو کەسی کو بحساب خۆ کوشتیە پەیوەندی ب پۆلیسان کریە. هەڤدەم گوت ژی، ل دیف بریارا دادوەری کەیسەکا تایبەت بۆ هاتیە ڤەکرن.

هێمن سلێمان پەیڤدارێ پۆلیسێن دهۆکێ د تۆڕا خۆ یا فەیسبووکی دا گرتە ڤیدیۆیەک بەلاڤکریە و تێدا هاتیە، گەنجەکی ل باژارێ دهۆکێ وێنە و ژمارا خۆ یا تلەفونێ بۆ پەیجەکی شاندیە و هەر ئەوی ب خۆ ژی پەیوەندی ب پۆلیسان کریە و گوتیە ئەڤێ کەسی کۆ هەر بەحسێ خۆ دکەت داوی ب ژیانا خۆ ئینایە.

گوت ژی، دەملدەست پۆلیس گەهشتنە جهێ بویەری و پشترە دەرکەت چ بویەرێن خۆ کوشتنێ نینن و ئەوی کەسی ژ دەف خۆ ئەو کارەکریە.

ئاماژە ب وێیەکێ ژی کریە، ب بریارا دادوەری و ل دیف بەندێ 243ێ ژ یاسایێن سزای کەیسەکا تایبەت لسەر هاتیە ڤەکرن، کو تایبەتە ب بەلاڤکرنا نووچەیێن نەڕاست ڤە.

ئەڤە د دەمەکی دایە، د درێژیا ئەڤ سالەدا نێزیکی ٢٠ بویەرێن خۆ کوشتنێ ل دهۆکێ هاتنە تومار کر، د هەمان دەماد ل ٥ی ڤێ مەهێ ژی پۆلیسێن دهۆکێ کچەکا ئاکنجیا وی باژاری کو خەلکا هەلەبجە بوو ژ خۆکوشتنێ رزگارکرن.

و.ح