سەرنووچە:

وەزیرێ ناڤخۆیێ هەرێمێ دەستەسەرکرنا چەند کەسان ئەشکەراکر

فۆتۆ: 
2021-04-11

596 جار خوێندراوەتەوە

وەزیرێ ناڤخۆیێ هەرێمێ دەستەسەرکرنا چەند کەسان لسەر بازرگانیکرنێ ب ڤیزان ڕاگەهاند.

رێبەر ئەحمەد وەزیرێ ناڤخۆیێ هەرێمێ د کۆنفڕانسەکێ رۆژنامەڤانیدا ڕاگەهاند، "مە گەلەک کەس دەستەسەرکرینە کو بازرگانی ب ڤیزا کریە".

دایە دیارکرن، "ئەو کەسێن بازرگانی کری، چ ل هەریمێ بیت یان ژ دەرڤە هاتینە دەستەسەرکرن".

بەحس ل وێیەکێ ژیکر، "داخازێ ژ وەلاتیان دکەم پارێن خۆ ل چ کومپانیەکێ نە نڤینن بۆ وەرگرتنا ڤیزێ، ژبەرکو وان کومپانیا ب رەنگەکێ فەرمی مۆلەت نینە بۆ وەرگرتنا ڤیزێ".

ئەڤە ددەمەکیدایە، ددەما دەربازبوویدا پارە ژ چەندین کەسان هاتینە وەرگرتن بناڤێ وەرگرتنا ڤیزێ، لێ کارێن وان نەهاتینە جێبەجێکرن و ڤێیەکێ ژی نەرازیبوونا وان کەسان لدویف خۆ ئینا و داخاز ژ حکومەتێ کر رێکارێن پێتڤی دەربارەی وێیەکێ بگریتەبەر.