سەرنووچە:

وەزیرێ ناڤخۆیا هەرێمێ بەحس ل گوهرانکاریێن قەدەغەیا هاتنوچونێ دکەت

فۆتۆ: 
2021-04-11

682 جار خوێندراوەتەوە

 وەزیرێ ناڤخۆیا هەرێمێ ڕاگەهاند، بسەدەما هاتنا مەها رەمەزانێ گوهرانکاری دێ د رێکارێن قەدەغەیا هاتنوچونێدا هێنەکرن.

رێبەر ئەحمەد وەزیرێ ناڤخۆیا هەرێمێ د کۆنفرانسەکێ نووچەیدا ڕاگەهاند، "لگورەی راپۆرتا وەزارەتا ساخلەمیێ رێکاران گوهرانکاری دێ بسەردا هێن و بسەدەما رەمەزانێ قەدەغەیا هاتنوچونێ وەک خۆ نامینیت".

رێبەر ئەحمەد ڕاگەهاندیە، رێکار دبیت ب رەنگەکی بن کو کێمترین بەرکەفتن دروستببیت و رێکار دێ دگەل دەمێ بانگێ مەغرەب و پاشیڤێ و وان ڕێورەسمان گونجینن کو دگەل مەها رەمەزانێ بن، دبێژیت، "پێتڤیە ژ روویێ  عیبادەتیڤە دوێ مەهێدا وەک خۆ بڕێڤە بچیت".

بڕیارە ئەڤرۆ، لژنەیا بلند یا بەرهنگاربوونا کۆرۆنایێ یا هەرێما کوردستانێ دێ جڤیێن و لسەر راپۆرتا وەزارەتا ساخلەمیێ لژنە دێ بڕیارێن نوی لسەر ڤەکرنا مزگەفتان و خواندنگەهان و قەدەغەیا هاتنوچونێ دێ دەرئێخیت.

ئەڤەژی ددەمەکیدایە، ڤایرۆسێ کۆرۆنایێ ل هەرێمێ ژ سالا بووری وەرە، سەرهلدایە و حکومەتا هەرێمێ ل مەها ئادارا سالا بووری بڕیارا قەدەغەیا هاتنوچونێ دەرکر و پشتی وێیەکێ ب چەند قۆناغان و ژبەر ژیانا وەلاتیان قەدەغەیا هاتنوچونێ راوەستاند، چونکە حکومەتا هەرێمێ وەک حکومەتێن دیێن جیهانێ ل دەما قەدەغەیا هاتنوچونێ دا هاریکاری بسەر وەلاتیاندا دابەشنەدکرن وێیەکێ ژی بارگرانیەک لسەر وەلاتیان زێدەکربوو.

 دەربارەی خواندنێژی، سالا دەربازبووی ل مەها شوباتێ تەڤایا ناڤەندێن خواندنێ، ب زانکۆ و پەیمانگەهـ و خوێندنگەهانڤە و هاتنە دائێخستن و ژبلی پۆلا ١٢ێ ئامادەیی و ئەو خوێندکارێن تاقیکرنێن خولا دووێ هەبوون چ پۆلەکێ تاقیکرن ئەنجام نەدان.

د ئەڤسالەژیدا، خواندنا تەڤایا ناڤەندێن خواندنێ ب ڤەقەتیایی دەربازبوون و د داوی بڕیاردا ل چەند رۆژێن دەربازبووی لژنەیا بلندا کۆرۆنایێ بڕیارادا دەرگەهێن خوێندنگەهان ب گرتی بمینن، هەر ئەڤرۆ ژی، سەرۆکێ لژنا پەروەردێ و خواندنا بلند ل پەرلەمانێ کوردستانێ ڕاگەهاند، "نها یا گونجایی نینە دەرگەهێن خواندنگەهان بهێنە ڤەکرن" دبێژیت ژی، "مە دوو هەلبژارتن یێن هەین ، یان دەرگەهێن خواندنگەهان ب گرتی بمینن یان ب ئەلیکترۆنی بەردەوامبیت".