سەرنووچە:

دێ چ بسەر بهایێ دۆلاریدا هێت ل پشتی پەسەندکرنا بودجە؟

فۆتۆ: 
2021-03-28

580 جار خوێندراوەتەوە

ئابوریناسەکێ دیارێ عێراقێ دبێژیت، بەنکا ناڤەندی بریار دایە بهایێ دۆلاری دانەبەزینیت و رۆژانە دۆلاری کێم بێخیتە بازاری، ب وێ ژی هەرجار بهایێ دۆلاری ل بەرامبەر دیناریدا وەکی بەرێ لێنەهاتیە.

سالم هاشمی، ئابوریناسێ دیارێ عێراقێ بو میدیایێن نافخۆیی ڕاگەهاندیە، ئەڤرۆ ئێکشەمبی بانکا ناڤەندی یا عێراقێ بتنێ ١٣ ملیۆن دۆلار ئێخستینە بازاری، ئەو ددەمەکیدا کو رۆژا پێنجشەمبی نێزیکی ٨٠ ملیۆن دۆلار ئێخستبوونە بازاڕی، ئەو رێکار ژی بۆ هندێیە بهایێ دۆلاری وەکی نها بمینیت.

گوتژی، بانکا ناڤەندیا عێراقێ دڤێت ئەو بهایێ کو دانای بۆ دیناری بەرامبەر دۆلاری کو ١٤٥٠ دینارە بۆ هەر دۆلارەکێ جێگیربکەت و جیاوازی ل بهایێ فرۆشتنا دۆلاری ل دەرڤەی بانکا ناڤەندی کێمترە ژ وی بهایێ کو بانکا ناڤەندی پێ دفرۆشیت.

پێشبینیا وێ یەکێ ژی کریە، پشتی دەربازکرنا بودجە پێشبینی دهێتە کرن بهایێ دۆلاری جێگیربیت ب جۆرەکێ ل دەما داهاتیدا دناڤبەرا ١٤٦٠ بۆ ١٤٧٠ ل بازاراندا مامەلە پێ بهێتە کرن.

هـ.ر