سەرنووچە:

بهایێ پەتڕۆلێ داکەفتیە

فۆتۆ: 
2021-03-23

277 جار خوێندراوەتەوە

د نها دا بهایێ بەڕمیلەکا پەتڕۆلا خاڤا ئەمرکی د بازارێن جیهانێ دا ب ٦٠ دۆلار و ٩٥ سەنتایە، کو بەروڤاژی دوهی دووشەمبی، بهایێ پەتڕۆلێ داکەفتیە.

هەڤدەم، بهایێ بەڕمیلەکا پەتڕۆلا خاڤا برێنت ژی د بازارێن جیهانێ دا ب ٦٤ دۆلاران سەرەدەری دگەلدا دهێتە کرن.

ئەو ژی د دەمەکێ دایە، د دەما دەربازبووی دا، بهایێ پەتڕۆلێ بۆ زێدەتری ٧٠ دۆلاران بلندببوو، کو جارا یەکێ یە پشتی وێیەکێ ل سالا دەربازبووی ب سەدەما ڤایرۆسێ کۆرۆنایێ و ژ کارکەفتنا کارگەهێن مەزنێن جیهانی و ڕاگرتنا لڤینێن ئامیر و ترۆمبێلان، بهایێ پەتڕۆلێ بۆ نزمترین ئاستێ خۆ د مێژوویێ دا داکەت.

ل ئادار و نیسانا سالا دەربازبوویدا، بهایێ پەتڕۆلا خاڤا برێنت بۆ خار ٢٥ دۆلاران و پەتڕۆلا خاڤا ئەمریکی ژی بۆ جارایەکێ د مێژوویێ دا ٣٧ دۆلاران بۆ بن سفرێ داکەت.