سەرنووچە:

لیرەیێ تورکی ١٧% بهایێ خۆژدەستدا

فۆتۆ: 
2021-03-22

525 جار خوێندراوەتەوە

ب سەدەما بڕیارەکا رەجەب تەیب ئەردۆغان، سەرۆککۆمارێ تورکیا بۆ گوهرینا پارێزگەرێ بەنکا ناڤەندی یا وەلاتی، لیرەیێ تورکی ١٧% بهایێ خۆژدەستدا.

میدیایێن تورکیا بەلاڤکریە، ژ سالا ٢٠١٤ێ وەرە سەرۆک کۆمارێ تورکیا چار پارێزگەرێن بەنکا ناڤەندیا وەلاتی ژکارێ وان راکرینە، کو سێ بەرپرس ل ٢١ێ مەها بووری هاتنەگوهرین و کەسێ دوماهیکێ ناجی ئەجبال بوو، کو بسەدەما بڕیارەکێ بۆ زێدەکرنا بهایێ مفای لسەرکاری هاتەراکرن.

هەڤدەم، بسەدەما بڕیارا راکرنا ئەجبال ژی، لیرەیێ تورکی ١٧% بهایێ خۆ ژدەستدا و بهایێ ١٠٠دۆلارێن ئەمریکی ل هەمبەر ٧٩٢ لیرەیێن تورکیە.

میدیایێن تورکیا ئاماژە ب وێیەکێ ژی دکەن، ئەردۆغان بژڤانە، گوهرانکاریێت بەرفرەهـ د وەزارەتا دارایی دا بکەت، نەجێگیربوونا سیاسەتا بەنکا ناڤەندیژی بوویە ئەگەرێ نەپشتراستبوونا وەبەرهێنەران ل وی وەلاتی.

م.م