سەرنووچە:

پێشبینیەک بۆ لهەڤهاتنا ئەڤرۆیا هەرێم و عێراقێ هاتە ئەشکەراکرن

فۆتۆ: 
2021-03-19

602 جار خوێندراوەتەوە

ئەندامەکێ لژنەیا دارایی و ئابوری ل پەرلەمانێ عێراقێ ڕاگەهاند، پێشبێنی دکەت ئەگەر ئەڤجارە بودجە بهێتە ناڤ پەرلەمانی هەر لهەڤهاتن دێهێتەکرن و هەر وەڤدێ هەرێمێ د لهەڤهاتنێدا دێ سەرکەڤتیبیت، دبێژیت ژی،" پێشبینیا وێ یەکی ناکەم ئەڤ جارە وەڤدێ هەرێمێ ب دەستێن ڤالا ژ بەغدا ڤەگەڕییت".

ئەڤڕۆ ئەینی، شیروان میرزا ئەندامێ لژنەیا دارای و ئابوری ل پەرلەمانێ عێراقێ بۆ رۆپەلا دەنگێ ئەمریکا بەحس لوێ یەکێ کر، د پرۆژەیاسایا بودجەیدا گرنتی دێ هێتە دان بۆ هەردوو ئالیان ئانکو ئەگەر هەرێما کوردستانێ پابەندنەبیت؛ یان ئەگەر بەغدا ژی چ بەشە پارەیەکی نەهنێریت و چ ئەگەر بەغدا پابەند نەبیت هەرێمژی پێگیرنەبوو ب رادەستکرنا پەتڕۆلێ، دبێژیت ژی، ئەڤەژی ژبەر وێ یەکێ کوگومان د هەردوو ئالیان داهەیە، بێ باوەری دروستبوویە هەیا ئەڤ باوەریە دناڤبەرا هەردوو حکومەت وئالیان ڤەدگریتەڤە دەم پێدڤێت، دبێژیت ژی،"وەسادبینم ئەڤ بودجەیە دێ دەستپێکەکا باشبیت بۆ ڤەگەراندنا باوەریێ بۆ هەردووئالیان".

شیروان میرزا بەحس لوێژی کر،"پێشبینیێ دکەین پشکا هەرێمێ دناڤ پروژەیاسایێدا جێگیربکەین، لێ دبیت شیعەیان بڤێت هندەک دەستکاریان بکەن بوێیەکێ گرنتیەکێ دناڤ پرۆژەیاسایێدا دابنن کو دحالەتێ پابەندبونا حکومەتا هەرێما کوردستانێ چ بۆ هەرێما کوردستانێ ناهنێریت".

ئەو ئەندامێ لیژنەیا دارای و ئابوری ئاماژە ب وێیەکێ ژیدا،"هەیا نها وەڤدێ هەرێما کوردستانێ لسەر ٢٥٠ هزار بەرمیلێن پەتڕۆلێ دئاخڤیت، چ پەتڕۆلێ بڤێت چ ب بهایێ پەتڕۆلێ بڤێت ئو دئامادەنە پابەند ببن".

ئەڤەژی ددەمەکی دایە، دەما زێدەتر ژ سێ مەهان هەرێم و بەغدا د پەیوەندیێدانە لسەر پۆژەیاسایا بودجەی و هەیا نها ژی هەڤدە جاران شاندێ هەرێمێ سەرەدانا بەغدا کریە، دەربارەی وێ یەکی چەند جارەکان گەهشتن ب لهەڤهاتنێ ڕاگەهاندیە، لێ هێشتا نەگەهشتینە لهەڤهاتنێ و دنهادا چەند دەمژمێرێن کێم ماینە بۆ دەرباسکرنا بودجەى ژ پەرلەمانێ.

م.م