سەرنووچە:

بهایێ پەتڕۆلێ داکەفت

زێدەتر ژ ٣ دۆلاران داکەفت
فۆتۆ: 
2021-03-19

373 جار خوێندراوەتەوە

د نها دا بهایێ بەڕمیلەکا پەتڕۆلا خاڤا برێنت د بازارێن جیهانێ دا ب ٦٣ دۆلار و ٤٩ سەنتایە، کو بەروڤاژی دوهی چارشەمبێ، بهایێ پەتڕۆلێ سێ دۆلارا داکەتیە.

هەڤدەم، بهایێ بەڕمیلەک پەتڕۆلا خاڤا ئەمریکی ژی د بازارێن جیهانێ دا ب ٦٠ دۆلار و ١٥ سەنتا سەرەدەری دگەلدا دهێتە کرن.

ئەو ژی د دەمەکێ دایە، د دەما دەربازبووی دا، بهایێ پەتڕۆلێ بۆ زێدەتری ٧٠ دۆلاران بلندببوو، کو جارا یەکێ یە پشتی وێیەکێ ل سالا دەربازبووی ب سەدەما ڤایرۆسێ کۆرۆنایێ و ژ کارکەفتنا کارگەهێن مەزنێن جیهانی و ڕاگرتنا لڤینێن ئامیر و ترۆمبێلان، بهایێ پەتڕۆلێ بۆ نزمترین ئاستێ خۆ د مێژوویێ دا داکەت.

ل ئادارا سالا دەربازبووی ژی بهایێ پەتڕۆلا خاڤا برێنت بۆ خار ٢٥ دۆلاران و پەتڕۆلا خاڤا ئەمریکی ژی بۆ جارایەکێ د مێژوویێ دا ٣٧ دۆلاران بۆ بن سفرێ داکەت.

هـ.إ