سەرنووچە:

بهایێ پەتڕۆلێ داکەتن بخۆڤە دیت

فۆتۆ: 
2021-03-16

455 جار خوێندراوەتەوە

د نهادا بهایێ بەڕمیلەک پەترۆلا خاڤا برێنت د بازارێن جیهانێدا ب ٦٨ دۆلار و ٣٨ سەنتایە، کو بەروڤاژی رۆژێن دەربازبووی، بهایێ پەتڕۆلێ گوهرینەکا زێدە بسەردا نەهاتیە، لێ داکەتن بخۆڤە دیتیە.

هەڤدەم، بهایێ بەرمیلەکا پەتڕۆلا خاڤا ئەمریکی د بازارێن جیهانێدا ب ٦٤ دۆلار و ٨٨ سەنتا سەرەدەری دگەلدا دهێتەکرن. .

ئەو ژی د دەمەکێ دایە، ل چەند رۆژێن دەربازبووی، بهایێ پەتڕۆلێ بۆ زێدەتری ٧٠ دۆلاران بلندبوو، کو ئێکەم جاربوو ل پشتی وێ ل سالا دەربازبووی ژ ئەگەرێ بەلاڤبوونا ڤایرۆسێ کۆرۆنایێ و ژکارکەفتنا کارگەهێن مەزنێن جیهانێ و راگرتنا لڤینێن ئامێر و ترۆمبێلان، بهایێ پەتڕۆلێ بو نزمترین ئاستێ خۆ د دیرۆکێ دا داکەت.

ل ئادار و نیسانا سالا دەربازبووی ژی دا، بهایێ پەتڕۆلا خاڤا برێنت بۆ خار ٢٥ دۆلار و پەترۆلا خاڤا ئەمریکی ژی بۆ ئێکەم جار د دیرۆکێ دا بۆ ٣٧ دۆلاران ل خار سفرێ داکەت.