سەرنووچە:

بهایێ پەترۆلێ ب بلندی یێ مای

فۆتۆ: 
2021-03-14

414 جار خوێندراوەتەوە

د نهادا بهایێ بەرمیلەک پەترۆلا خاڤا برێنت ل بازارێن جیهانێدا ب ٦٩ دۆلار و ٢٢ سەنتە، کو بەراورد ب دوهی شەمبی، بهایێ پەترولێ گوهرینەکا وەسا بسەردا نەهاتیە، لێ د بلندیێ دا یە.

هەڤدەم، بهایێ بەرمیلەک پەترۆلا خاڤا ئەمریکی ل بازارێن جیهانێدا ب ٦٥ دۆلار و ٦١ سەنتا مامەلە پێدهێتەکرن.

ئەو ژی ددەمەکیدایە، ل چەند رۆژێن دەربازبوویدا، بهایێ پەترۆلێ بۆ سەر ٧٠ دۆلارا بلندبوویە، کو ئێکەمجاربوو ل پشتی وێ ل سالا دەربازبووی ژ ئەگەرێ بەلاڤبوونا ڤایرۆسێ کۆرۆنایێ و ژکارکەفتنا کارگەهێن مەزنێن جیهانێ و راگرتنا لڤینێن ئامێر و ترومبێلان، بهایێ پەترۆلێ بو نزمترین ئاستێ خۆ د دیروکێ دا داکەت.

ل ئادار و نیسانا سالا دەربازبوویدا ژی، بهایێ پەترۆلا خاڤا برێنت بۆ خار ٢٥ دۆلار و پەترۆلا خاڤا ئەمریکی ژی بۆ ئێکەمجار د دیروکێ دا بۆ ٣٧ دۆلارا ل خار سفرێ داکەت.

هـ.ر