سەرنووچە:

فەتوایەکا نوی لسەر مامەلە پێ کرنا دراڤێ بیتکۆینی

فۆتۆ: 
2021-03-05

617 جار خوێندراوەتەوە

جڤاتا بلندا فەتوایا مسرێ ڕاگەهاند، هەمی ڕەنگێن مامەلە پێکرنێ ب دراڤێن ئەلیکترونی "بیتکۆین"ی حەرامە.

ڕۆپەلا جڤاتا فەتوایا مسری بەلافکریە، کو جڤاتا بلندا فەتوایا مسری پشتی ڤەکولین و راوێژێ ب شارەزا  پسپورێن ئابوری، هەروەسا شارەزایێن تایبەت ب دراڤێن ئەلیکترونی "بیتکۆین"ی بڕیارا حەرامکرنا هەمی ڕەنگێن مامەلە پێکرنا ب دراڤێن ئەلیکترونی دا.

د فەتوایێدا هاتیە، مامەلە پێ کرنا ب دراڤێ ئەلیکترونی "بیتکۆینی"ی کاریگەریێن نەرێنی لسەر بازاڕ و قەبارێ کڕین و فروشتنێ هەیە،

ڤێژی وەکریە کو بڕیارا حەرامکرنا وی بهێتە دان، ئەڤ بڕیارەژی دێ بیتە سەدەمێ هێلان و پاراستنا رەوشا بازاری و قەبارێ ئالوگۆریێ.

جڤاتا بلندا فەتوایا مسرێ ئاماژە بوێیەکێ ژیکریە، زێدەباری وان زەرەرێن ئابوری و ئە مەترسیێن کو بۆ سەر قەبارێ بازاڕی هەین، لێ د ڕوانگەها شەرعیدا وەسا دیارکریە کو مامەلە کرن ب دراڤێ ئەلیکترونیێ "بیتکۆین"ی  نە زەرەر هەیە و نە بێ زەرەرەژی.

ل مەها حوزەیرانا سالا دەربازبوی، جڤاتا بلندا فەتوایا هەرێمێ ڕاگەهاند، بکارئینانا دراڤێن ئەلیکترونی وەک، پایکۆیت و بیتکۆین حەرامە، ب سەدەمێ  پالپشتیا یاسایی نینە و ژ قومار و یانسیبێ نێزیکە.

بیتکوین، بریتیە ژ دراڤەکێ ئەلیکترونی کو پشت ب تەکنەلوژیایا بلوکچیڤە گرێدایە و دهێتە چاڤەڕێکرن یەکەم دراڤێ ئەلیکترونی بیت ل داهاتیدا ب تەمامی جهێ دراڤێ کاغەزی بگریت، پێشبینیا هندێ دهێتە کرن ئەو دراڤە د پێنج سالێن بهێتدا ٢٠٠ هزار دۆلاران دەربازکەت.

هـ.إ