سەرنووچە:

بهایێ پەترۆلێ ب بلندی مایە

فۆتۆ: 
2021-03-05

440 جار خوێندراوەتەوە

د نهادا بهایێ بەرمیلەک پەترۆلا خاڤ ل بازارێن جیهانێندا ب ٦٧ دۆلار و ٣٩ سەنتا یە، بەراورد ب دوهی پێنجشەمبی، بهایێ بەرمیلەکا پەترۆلێ سێ دۆلارا بلندبوویە.

هەروەسا، بهایێ بەرمیلەک پەترۆلا خاڤا ئەمریکا ژی ل بازاڕێن جیهانێدا ب ٦٤ دۆلار و ٤٤ سەنتا مامەلە پێدهێتەکرن، بەراورد ب دوهی پێنجشەمبی ژی، بهایێ بەرمیلەکا پەترۆلێ سێ دۆلارا بلندبوویە.

بلندبوونا بهایێ پەترۆلێ بۆ وی ئاستی، ئێکەمجار ل پشتی وێ ل سالا دەربازبووی دا ژ ئەگەرێ بەلاڤبوونا ڤایرۆسا کۆرۆنایێ و ژ کارکەفتنا کارگەهێن مەزنێن جیهانێ و ڕاگرتنا لڤینێن ئامیر و ترومبێلان، بهایێ پەترۆلێ بۆ نزمترین ئاستێ خۆ د دیرۆکێ دا داکەت.

ل ئادار و نیسانا سالا دەربازبوویدا، بهایێپەترۆلا خاڤا برێنت بۆ خار ٢٥ دۆلار و پەترۆلا خاڤا ئەمریکی ژی بۆ ئێکەمجار د مێژوویێ دا بۆ ٣٧ دۆلارا ل خار سفرێ داکەت.

ئەڤە ژی د دەمەکیدایە، دەمەکێ بەریا نها بلندبوونا بهایێ پەترۆلێ بەردەوام بوو ب جۆرەکێ د دەما چەند رۆژێن دەربازبووی دا گەهشتە سەر ٦٦ دۆلارا، کو ئەو ژی پەیوەندی ب ڤەدیتنا ڤاکسینا کۆرۆنایێ و دەستپێکرنا لڤینێن پیشەسازی و بازرگانی یا هەی و د نهادا ژی دبیت بهایێ وێ زێدەتر بلند ببیت.

هـ.ر