سەرنووچە:

داراییا عێراقێ: بۆ دەما شەش سالایە هەرێمێ داهاتێ خۆ رادەستی حکومەتێ نەکریە

فۆتۆ: 
2021-03-04

312 جار خوێندراوەتەوە

 وەزیرێ دارایا عێراقێ ئەشکەرا کر، ل سالا ٢٠١٤ هەیا ٢٠٢٠ هەرێمێ داهاتێ خۆ رادەستی عێراقێ نەکریە.

ئەڤرۆ پێنجشەمبێ، عەلی عەلاوی وەزیرێ دارایێ عێراقێ د ڕاگەهاندنەکێدا بەرسڤا فالح خەزعەلی ئەندامێ پەرلەمانێ عێراقێ دایە، کو ل دەربارەی داهاتێن ڕادەستکریێن هەرێمێ پرسیار ئاراستەی وەزیرێ دارایی کربوو.

د ڕاگەهاندنا وەزیرێ داراییدا هاتیە، ل سالا ٢٠١٤ هەیا ٢٠٢٠ هەرێما کوردستانێ چ خشتەیەکێ داهاتێن خۆ بۆ حکومەتێ نە هنارتینە.

ئەڤە ددەمەکیدایە، بۆ پرۆژەیاسایا بودجەی ئەڤسالەژی زێدەتر ژ سێ مەهانە هەرێم و بەغدا مژویلی گوتوبێژانە بۆ لهەڤهاتنێ لسەر بەشێ هەرێمی د پرۆژەیاسایدا و هەیا نهاژی نەگەهشتینە لهەڤهاتنێ.

ئەڤە ژبلی وێ، بەغدا چەند هەلبژارتنەک ئێخستیە ل پێشیا هەرێمێ بۆ لهەڤهاتنێ لسەر بودجەی ژ وانژی، رادەستکرنا تەمامیا داهاتێ پەتڕۆلێ، یان رادەستکرنا ٢٥٠ هزار بەرمیلێن پەتڕۆلێ رۆژانە ب ٥٠% داهاتێن نە پەتڕۆلێ و دەرازینکێن سنوری ژی، یانژی ٤٣٠ هزار بەرمیلێن پەتڕۆلێ رۆژانە.

هـ.إ

No description available.