سەرنووچە:

مەحما خەلیل ئەگەرێ جێبەجێنەکرنا لهەڤهاتنا شنگالێ ئاشکرا دکەت

فۆتۆ: 
2021-03-01

496 جار خوێندراوەتەوە

قائیمقامێ شنگالێ د داخویانیەکێدا بۆ ئێن ئاڕ تی ئاشکراکر، لهەڤهاتنا دناڤبەرا هەرێم و بەغدا ل شنگالێ تا نها نەچووینە بیاڤێ جێبەجێکرنێ، ''ئەگەرێ وێ ژی هێزێن نە ئیلزامیێن وەکی پەکەکە و هێزێن حەشدا شەعبینە.''

مەحما خەلیل قایمقامێ شنگالێ د داخویانیەکێدا بۆ ئێن ئاڕ تی ڕاگەهاند، پێتڤی یە ئەو هێز ل شنگالێ بچنە دەرڤە بۆ هندێ خەلکێ ئاسایی ڤەگەرنە باژێری و دبێژیت، ''ئەگەرێ جێبەجێنەکرنا لهەڤهاتنا هەرێم و بەغدا ل شنگالێ هێزێن نە نیزامیێن وەکی پەکەکە و هێزێن حەشدا شەعبیە''.

بەریا نها، ل ٩ێ جوتمەهێ دەربارەی پرسا شنگال و ئاساییکرنا رەوشا باژێری حکومەتا هەرێم و ناڤەند ب ئامادەبوونا نەتەوێن هەڤگرتی لهەڤهاتن''.

هەڤدەم، رێبەر ئەحمەد وەزیرێ نافخۆ یێ حکومەتا هەرێمێ بو میدیایێن پارتی ڕاگەهاندبوو، ''ب ئامادەبوونا نەتەوێن هەڤگرتی و نوینەرێن هەرێم و بەغدا لهەڤهاتنەکا باشکر بۆ ئاساییکرنا رەوشا ئێمناهیێ، سەربازی و ئیداریا شنگالێ''.

ڕاگەهاند ژی، هەردوو ئالی ئارمانجا مە ئەوە رەوش بهێتە ئاساییکرن و ئاوارە ڤەگەرنە جهێن خۆ''.

ژ ئالیێ خۆ پەیڤدارێ بەرێ یێ سەرۆکوەزیرێن عێراقێ ل تویتەکێدا ئەو یەک بەرچاڤکر، حکومەتا هەرێمێ و حکومەتا فیدرالی ل سەر پرسا شنگالێ لهەڤهاتن، بەحس ژ وێ یەکێ ژی کر، لهەڤهاتنەکا مێژوویی  دەربارەی شنگالێ دناڤبەرا حکومەتا هەرێم و بەغدا هاتیە ئەنجامدان، کو لهەڤهاتن داوی ب دەستهەلاتا گروپان ل ناڤچەیێ دئینیت و دێ رێخوشکەر بیت بۆ دووبارە بنیادنانا شنگال و ڤەگەڕیانا خەلکێ وێ''.

پشتی کو ل سالا ٢٠١٤ێ دا داعش دەست ب سەر شنگالی دا گرت، ژمارەیەکا زور ژ وەلاتیێن ئێزدی یێن باژێری هاتینە کومەلکوژکرن و زوربەیا رونشتڤانێن وێ ئاوارەبوون.

زێدەباری وێ ل سالا ٢٠١٥ێ دا شنگال ل داعش هاتە پاقژکرن، لێ ژئەگەرا هەبومونا چەندین هێزێن چەکداری تا نها رەوش ئاسایی نەبوویە و ئاوارە ژی نەن ڤەگەریاینە.

هـ.ر