سەرنووچە:

حکومەتا هەرێمێ قەدەغەیا هاتن و چوونا ناڤنجی ڕاگەهاند

فۆتۆ: 
2021-03-01

413 جار خوێندراوەتەوە

حکومەتا هەرێما کوردستانێ قەدەغەیا هاتن و چوونێیا نیمچەی ڕاگەهاند و دبێژیت، ژ ئەڤرۆ پێڤە، ژ ١٢یێ شەڤێ و هەیا ٦ی سپێدێ جهێن گشتی دا دێ قەدەغەیا هاتن و چوونێ بیت.

جوتیار عادل پەیفدارێ حکومەتا هەرێما کوردستانێ د کونفرانسەکێ ڕۆژنامەڤانی دا ڕاگەهاند، ژبلی قەدەغەیا هاتن وچوونا نیمچەی پشتی ١٢یێ شەڤێ، ژ ئەڤرۆ پێدا ل سێ رۆژێن حەفتیێ دا، واتا پێنجشەمب، و ئەینی و شەمبیێ، ریگێ ب هاتن و چوونا دناڤبەرا باژارێن هەرێمێ و عێراقێ ناهێتە دان.

هەڤدەم، جوتیار عادل، دەربارەی بەردەوامیا پرۆسا خاندنێ بەحسا وێیەکێ کر، د جڤینا ئەڤرۆ یا لژنا بلندا کۆرۆنایێ دا بریار هاتە دان، کو پرۆسەیا خاندنێ هەیا ١٠ی ڤێ مەهێ ب رێکارێن تونتر دێ بەردەوامبیت. پشتی وێیەکێ ژی جڤین دێ هێتە کرن و بریارێن دی دێهێنە دان.

گوتیەژی، ل گۆرەی هەلسەنگاندنا وەزارەتا ساخلەمیێ، "رەوش مەترسیدارە" و دڤێت رێکارێن تونتر بکاربینین و هەر کەس و ئالیەک ژی خۆ ژ پەیرەوکرنا رێنمایان ڤەدزیت، دێ توشی لیپرسینێ بیت.

ل دەستپیکا سالا دەربازبووی کو شنی ڤایرۆسێ کۆرۆنایێ ل هەرێما کوردستانێ بەلاڤبوو، حکومەتا هەرێمێ قەدەغەیا هاتن و چوونێ ڕاگەهاند کو پشترە بۆ چەند مەهان هاتە درێژکرن. هەر د وی دەمی دا، دەرگەهێ قوتابخانەیان ژی بۆ دەمەکێ درێژ هاتنە داخستن. لی وان هەمی رێکاران نەرازیبوونا وەلاتیان ل دیف خۆ ئینا.

و.ح