سەرنووچە:

مەسرور بارزانی: حکومەت پشتەڤانیێ ژ ئازادیا رۆژنامەگەری دکەت

فۆتۆ: 
2021-03-01

167 جار خوێندراوەتەوە

سەرۆکێ حکومەتا هەرێمێ ڕاگەهاند، بۆ هندێ ڕاگەهاندکارێن کوردستانێ بشێن ب ئاوایەکێ پرۆفیشنالانە کارێن خو ئەنجامبدەن، دێ ''حکومەت ب هەمی ئاوایەکێ داکۆکی و پشتگیریێ ژ ئازادیا کارێ رۆژنامەگەری ل کوردستانێ دکەت''.

ل گورەی ڕاگەهاندنا جڤاتا وەزیران، ئەڤرۆ دووشەمبی، مەسرور بارزانی سەرۆکێ حکومەتا هەرێما کوردستانێ د چارچوڤێ جڤینا دگەل سەندیکا رۆژنامەڤانێن کوردستانێ بەحس ژ وێ یەکێ کریە، ''حکومەتا هەرێمێ زەمینەیا ئازادیا رادەربرینێ بۆ ڕاگەهاندکاران دەستەبەر کریە بۆ هندێ رۆلێ کاریگەرێ خۆ ل کومەلگەهێدا بگێڕن.''

ئەڤە ژی ددەمەکیدایە، رۆژا ١٦ی مەها دەربازبووی، دادگەها تاوانا هەولێرێ، سزایێ شەش سال زیندان بسەر پێنج رۆژنامەڤانێن بادیناندا سەپاند، ئەوێ ژی نەرازیبوون و کارڤەدانێن رایا گشتی و بەشەک ژ ئالیین سیاسی و پەرلەمانتاران بدیف خۆ دا ئینان.

هەر ل سەر وی بابەتی و پشتی وێ کو زوربەیا ئالیان و رێکخراوێن ناڤدەولەتی و بالیوزخانا ئەمریکا ل بەغدا ژی هاتنە دەنگ، مەسرور بارزانی ل تویتەرا خۆ ڕاگەهاند، ''داخازێ ژ هەمی ئالیەکێ دکەین کو رێزێ ل سیستەمێ دادوەری ل هەرێما کوردستانێ بگرن بۆ هندێ بشێت ب ئاوایەکێ سەربەخۆ و بێ دەستێوەردان کارێن خۆ ئەنجامبدەت.''

چاڤەڕێدهێتەکرن ١٦ێ ڤێ مەهێ، دادگەها بلندا هەرێمێ بریارا داویێ ل سەر وان رۆژنامەڤانێن بادینان بدەت کو ب تومەتا ''جاسوسیکرن بسەر دامەزراوێن دەولەتێ'' ڤە هاتینە سزادان.

هـ.ر