سەرنووچە:

لگۆرەی زانیاریان؛ حکومەتا هەرێمێ بریارا بەردەوامبوونا پرۆسا خاندنێ دایە

فۆتۆ: 
2021-03-01

688 جار خوێندراوەتەوە

ل گۆرەی زانیاریێن ئێن ئاڕ تی، د جڤینا لژنا بلندا رووبرووبونا کۆرۆنایێ دا بریار هاتەدان، ب ریکارێن هویرین خوپاراستنێ، دەرگەهێ قوتابخانەیان ناهێنە گرتن و پرۆسا خاندنێ دێ بەردەوامبیت.

پشتی وێیەکێ ل چەند رۆژێن دەربازبووی دا، وەزارەتا ساخلەمیا هەرێمێ هایداریا بلندبوونا هەژمارا توشبوویێن زنجیرا نویا کۆرۆنایێ دای، هەڤدەم، لژنەیێن پەیوەندیدارێن پەروەردێ و پاریزگەهان ڕاپۆرتا خۆ ئاراستەکرین، ئەڤرۆ دووشەمبی، لژنا بلندا رووبرووبونا کۆرۆنایێ بریاردا رێکاران تونتر بکەتن، لێ قەدەغەیا هاتن و چوونێ ڕانەگەهینیت.

هەر ل گۆرەی زانیاریێن ئێن ئاڕ تی، بریار هاتیەدان کو هاتن و چوونا دناڤبەرا باژارین هەرێم و عێراقێ دا توندتربکەتن، و گرێدانا ماسکان ل جهێن گشتی جێبەجێبکەن. دگەل وێیەکێ ژی، هەر جهەک ڕێنمایان پەیرەونەکەت، دایێخن.

ل دەستپیکا سالا دەربازبووی کو شنی ڤایرۆسێ کۆرۆنایێ ل هەرێما کوردستانێ بەلاڤبوو، حکومەتا هەرێمێ قەدەغەیا هاتن و چوونێ ڕاگەهاند کو پشتی وێیەکی درێژترکر، هەر د وی دەمی دا دەرگەهێن قوتابخانەیان ژی بۆ دەمەکێ دریژ هێلانە گرتی. لێ وان هەمی ریکاران نەرازیبوونا بەشەکێ زیدەیێ وەلاتیان ل ێ کەفت.

و.ح