سەرنووچە:

​بریکارێ میرێ ئێزدیان: ب نێرینا مە دێ تورکیا هێرشێ کەتە سەر شنگالێ

فۆتۆ: 
2021-03-01

1574 جار خوێندراوەتەوە

بریکارێ میرێ ئێزیدیان ڕاگەهاند، پشتی جڤینا وان دگەل  کونسۆلێ تورکیا ل هەرێمێ ب نەرینا مە ئەو ولاتە دی هێرشی کەتە سەر شنگالێ.

میر جهور عەلی بریکارێ میرێ ئێزیدیان ب میدیایین عێراقی راگەهاندیە ، کونسۆلێ تورکیا بەحسا وێ کریە، ل دەمێ هێرشکرنێ بۆ سەر شنگالێ دێ وەڵاتیێن سڤیل  ب سەلامەت بن و هێرشێن وان  بۆسەر پەکەکە و بنگەهێن وانە ل دەردورا وی باژێری.

بەحسا وێ یەکێ ژی کر ، هەیا نها لهەڤهاتن د ناڤبەرا  بەغدا و هەرێمێ دا لسەر شنگالێ هاتیە کرن لێ نەهاتیە جیبکرن، ژبلی وێ یەکێ ئالیێن عێراقێ ب پەکەکێ ڕاگەهاندیە بارەگەهێن خوە ل وێ باژێرێ ڤالابکەن لێ ئەندامێن وێ حزبێ و رێکخستیێن وێ هەیا نها دناڤ  شنگالێ دانە .

ئەڤە ددەمەکی دایە، روژا ٢٢ى کانونا دووێیا ئەڤ سالە، رەجەب تەیب ئەردۆغان  سەرۆک کۆمارێ تورکیا  ڕاگەهاند، ئەگەرا وێ یەکێ هەیەی پێکڤە دگەڵ عێراقێ ئۆپەراسیۆنەکا هەڤبەش ل دژى پەکەکە ل شنگالێ ئەنجامبدەن.

رۆژا ١٨ى ڤێ مەهێ ژی،  خولوسی ئاکار وەزیرێ بەڕەڤانیا تورکیا و سوپا سالارى وی وڵاتی، سەردانا بەغدا و هەولێرێ کر  و پشترا  ئاکار ڕاگەهاند، هەشت جڤینێن گرنگ ئەنجام داینە و هەڵویستێ حکومەتا هەرێمی ژی ب پێدانا زانیاریی لسەر پەکەکە ب پڕ مانا و سەنگین بناڤکر.

هـ.إ