سەرنووچە:

دژەتیرۆرا کوردستانێ دەزگەهێ هەوالگێریا عێراقێ بدرەوین دەرئێخست

فۆتۆ: 
2021-02-26

321 جار خوێندراوەتەوە

دژەتیرۆرا کوردستانێ ڕاگەهاند، ئەو نوچەیێ گوتی شەڤا دەربازبووی، دەزگەهێ هەوالگێریا عێراقێ بەرپرسەکێ بلندێ داعشێ ل هەولێرێ دەستەسەرکریە، دویرە ژ راستیێ. دبێژیت، "مەیێ دەستەسەرکری و تنێ رادەستێ عێراقێ کریە".

ئەڤرۆ ئەینیێ، ڕێڤەبەریا گشتیا دژەتیرۆرا کوردستانێ د ڕاگەهاندنەکێدا ئاماژە بوێیەکێ کر، دڤان رۆژاندا نووچەیەکێ ڕاگەهاندنێن واندا هاتیە بەلافکرن کو گوتیە دەزگەهێن ئەمنیێن حکومەتا عێراقێ، تیرۆرستەکێ داعش ل پارێزگەها هەولێرێ دەستەسەرکریە کو "دوویرە ژ راستیێ".

ڕاگەهاند ژی، "ل ٩ی ١٢ێ ٢٠٢٠ێ، د ئۆپەراسیۆنەکا ڕێڤەبەریا مەدا ل ناڤ باژێرێ هەولێرێ، ئەندامەکێ ڕێکخراوا تیرۆرستیا داعش بناڤێ (بەشار موستەفا حافز عەدوان ئەلعوەیسی) دەستەسەرکر، کو چەندین کریارێن تیرۆرستی ل سنورێ باژێرێ بەغدا ئەنجام دابوو".

دبێژیت، "ژبەرکو ڤی تیرۆرستی ل سنورێ پارێزگەها بەغدا کریارێن تیرورسیتی کربوون، هەروەسا ژ ئالیێ دەزگەهێن ئەمنیێن باژێرێ بەغدا ب فەرمی داخاز ژمە کربوو کو رادەستی وان بکەین، ژبەرهندێ پشتی ل ٢٤ی ڤێ مەهێ فەرمانا دادوەری بدەستمە گەهشتی، مە تیرۆرست رادەستی هێزێن بەغدا کریە".

دوهی، ژێدەرەکی بۆمیدیایێن عێراقێ ڕاگەهاند، دەزگەهێ هەوالگێریا عێراقێ کارینە بەشار عەدوان ، بەرپرسێ مەفرەزێن قەناسبدەستێن داعش ل باژێرێ هەولیرێ دەستەسەربکەن.

هـ.إ