سەرنووچە:

٣٠ سال بسەر ئۆپەراسیۆنا باهوزا بیابانێ دەربازدبن

٧٥٠ هزار سەرباز
فۆتۆ: 
2021-02-26

263 جار خوێندراوەتەوە

٣٠ سال بسەر ئۆپەراسیۆنا باهوزا بیابانی دەربازدبن، کو مەزنترین گورزێ سەربازی بەر ب سوپایێ عێراقێ کەفت و ب رێکا هێزێ هاتە نەچارکرن کو ئاخا وەلاتێ کوێتێ بجیبهێلیت.

رۆژا ٢٦ی شوباتا ١٩٩١ێ سوپایێ عێراقێ ل کوێتێ شکەست و دوورپێچا ئابوریا گران ئێخستە سەر عێراقێ، لێ یاکو هەیا نها بویە جهێ پرسیارێ ، بوچی سەدام حسێن رادەستێ وان گەفێن نیڤدەولەتی نەبوو کو لبەری و ل دەمێ داگیرکرنا کوێتێدا لێ دهاتنە کرن؟

پشتی وێ مولەتا نیڤدەولەتیا جڤاتا ئاسایشێ، کو ل ١٥ کانونا دووێیا سالا ١٩٩١ داوی پێهات، عێراق ئێخستیە ل پێش هەلبژارتنا بەرهەنگاریا شەرێ سەربازی یان ڤەکێشان ژ وەلاتێ کوێتێ.

پشتی وێ هەڤپەیمانیەکا نیڤدەولەتی ژ ٣٠ وەلاتان ب سەرکردایەتیا ئەمریکا پێکهات و ئۆپەراسیۆنا باهوزا بیابانێ ب هێزەکا ٧٥٠ هزار سەربازی و زێدەتر ژ سێ هزار و ٥٠٠ زریپوشان و نێزیکی دوو هزار بالەفڕێن شەری ئەنجامدا، ئەوژی بۆ دەرئێخستنا سوپایێ عێراقێ ژ کوێتێ.

هەر دوێ ئۆپەراسیۆنێدا و ل ٢٦ی شوباتا ١٩٩١ گورزێ سەربازی بویە سەدەمێ شکاندن و شەپرزەکرنا هێزێن عێراقێ، کو نێزیکی ٥٠٠ تانکێن سەربازێن عێراقێ دوی شەریدا ژناڤبرن و نێزیکی ١٠ هزار سەربازانژی هەر دوی دەمیدا ب سەدەمێ بومبەبارانا هەڤپەیمانان هاتنە کوشتن.

پشتی داگیرکرنا کوێتێ ژ ئالیێ عێراقێڤە، کو ب خەلەتیەکا کوژەک دهێتە دانان، دوورپێچا ئابوری بسەر عێراقێدا سەپاند، ئەو رەوشە بەردەوامبوو هەیا گەهشتیىە کەفتنا ڕژێما بەعس ل سالا ٢٠٠٣.

هـ.إ