سەرنووچە:

ئێن ئاڕ تی نویترین زانیاری لسەر زیندانکریێن بەهدینان ئەشکرا دکەت

فۆتۆ: 
2021-02-26

1346 جار خوێندراوەتەوە

خێزانا رۆژنامەڤان شێروان شێروانی بۆ ئێن ئاڕ تی راگەهاند، "دەما کو بۆ جارا یەکێ بۆ پێنج خولەکان من سەرەدانا شێروان شێروانی کری پاشی پسیار ژمن کر، ئەو دەمێ ئەز ژ دەفتە چوویم چ گەف ل تە هاتنە کرن، من گوتێ نەخێر، نها ئەز تیگەهشتم بوچی پسیار ژ من دکر بۆ وێیەکێ بۆ گەفا بمن ل وی کربوون هەیا کو ب زوری دانپێدانێ پی ئیمزا بکەن".

رۆگەش جەبار خیزانا رۆژنامەڤان شێروان شێروانی بۆ ئێن ئاڕ تی ڕاگەهاند، "رۆژا شەمبیا دەربازبووی، شێروان شێروانی زەلامێ من تلەفون بومن کر، من گوتێ رەوشا تە چاوایە و جهێ تەیێ مانێ و خارنا تە چاوایە؟ وی ژی گوت مە گرەڤ ژ خارنێ گرتیە ژ وێ رۆژا حکوم لسەر مە هاتیە دان".

ڕاگەهاند ژی، "هەیا نها نزانم کا ئەو لسەر گرەڤ گرتنێ بەدەوامن یان نە؟ چونکە گەلەک کێم دهێلن تلەفونێ بکەت و دەما تلەفونێ ژی بتنێ پێنج خولەکن، "ئەم نەشێن سەرەدانا وان بکەین و یەکجار سەرەدانەکا تایبەت بۆمە ئامادەکرنە د دەما ڤان شەش مەهێن کو هاتنە گرتن دا، و بۆ دەما پینج خولەکان بوویە ئێدی سەرەدانەکا دی بۆ مە رێکنەخستنە، ئەو ژی دوو مەها بەریا نها بوو".

خێزانا شێروان شێروانی دبێژیت ژی، "ئەو دەمێ ژ زیندانا تاکەکەسی دەرکەتبوو گەلەک لاواز و زەر ببوو بی تاقەت دیاربوو، ب وێ سەدەمێ ٦٨ رۆژان د زیندانا تاکەکەسیدا مابوو".

لسەر وێ دوسیێ، پاریزەرێ وی گوتیە، "هێشتا ئاریشە ل سەر حوکمێ وان هەیە ژبەر وێیەکێ هەیا نها هەر ل ئاسایشا گشتیا هەولێرێ نە هەتا پارێزەر ژی نەشێت وان ببینیت"، روگەش جەبار دبێژیت، ئەو ژی د دەمەکێ دایە، دادوەری ژی رەزەمەندی دایە هەم ئەندام پەڕلەمان و هەم خێزانێن وان ژی بشێن گرتیێن خۆ ببینن.

دەرابارەی ڕەوشا خیزانا وی پشتی دەستەسەرکرنێ خێزانا وی  روگەش دبێژیت، "زارۆکێن وێ ژیێ یەکی ١٢ سالە و ئەوێ دی هەشت سالە و رەوشا وان ژ روویێ دەروونی ڤە گەلەک تێکچوویە و ب بەردەوامی کچا من یا بچیک کو ژیێ وێ نێزیکی دووسال و نیڤیە بەردەوام داخازا بابێ خۆ دکەت".

لسەر بابەتێ پشتی وێیەکێ کو پروسا دادگەهکرنا وان چالاکڤان و رۆژنامەڤانان ژ ئالیێ دادگەها هەولێرێ ڤە، بەشەک ژ پەڕلەمانتارێن هەرێمێو پارێزەرێن کەیسا وان ڕاگەهاندبوو، "شێروان شێروانی ل پێشیا دادگەهێ گوتیە دادوەری، کی ژ هەوە قەبیل دکەت گەفێن ئینانا خێزانی لیبکەت؟" خێزانا شێروان شێروانی گوتیە، "نها چ گەف لسەر من نینن".

بەحسا وێیەکی ژی کر، "من چ هەست ب گەفان نەکریە بتنێ ب رێکا تلەفونەکێ شێروانی گوتیە من، پشتی دوو حەفتیا ژوێیەکێ ئەز چووم بو کو پینج خولەکا شێروانی ببینم ل زیندانێ شێروانی پەیوندیەکا تلەفونی کر  و گوتە من، کو دەما ئەو ژ زیندانێ دەرکەتی چ گەف لتەهاتنە کرن؟ من ژی گوتیێ نەخێر".

خێزانا شیروان شێروانی ئەو یەکژی بۆ ئێن ئار تی بەحس کر، "من گوتە شێروانی بوچی؟ ئەوی ژی گوتە من هەما هوسا نەگوت سەدەم چیە پشتی وێیەکێ من زانی کو ل دادگەهێ ئاخفتنەکا هوسا کربوو دیارە تشتەک یێت گوتینێ داکو ب زوری ئیمزایێ لێ وەربگرن لسەر وان دانپێدانێن لێ دهێنە وەرگرتن".

بەیا نها، دادگەها تاوانێن هەولێرێ، سزایێ شەش سالێن زیندانکرنێ بسەر پێنج ژ وان دەستەسەرکریێن بەهدینان سەپاند، ئەوێ یەکێ ژی نەرازیبوون و کارڤەدانێن ڕایا گشتی و بەشەک ژ پەڕلەمانتار و ئالیێن سیاسی ل دیف خۆ ئینا و ب بریارەکا نەدادپەروەرانە  دزانن.

هەر د وی بیاڤیدا، نێچیرڤان بارزانی سەرۆکێ هەرێما کوردستانێ ڕاگەهاندبوو، بڕیارا دادگەهێ بۆ سزادانا ڕاگرتیێن بادینان داوی بڕیار نینە، گوتژی، ''چ کەس و ئالیەکێ مافێ دەستێوەردانێ د کاروبارێن دادگەهێ دا نینە.''

رۆژا ١٩ێ ڤێ مەهێ ژی، بالیوزخانا ئەمریکا ل بەغدا ڕاگەهاند، ب هویربینی دێ چاڤدێریا دەستەسەرکرن و پاشان دادگەهکرنا ڤێ داویێ یا رۆژنامەڤان و چالاکڤانان کری. ڕاگەهاند ژی، بەریا نها ژی دەربارەی ئازادیا رادەربرینێ گوتوبێژ دگەل حکومەتا هەرێما کوردستانێ کرییە و ل داهاتیدا ژی دێکەن.

ل پشتی پەیاما بالیوزخانا ئەمریکا ل بەغدا، مەسرور بارزانی سەرۆکێ حکومەتا هەرێما کوردستانێ ڕاگەهاند، داخازێ ژ هەمی ئالیەکێ دکەت کو ؛؛رێزێ'' ل سیستەمێ دادوەریێ هەرێما کوردستانێ بگرن.

ژ ئالیەکێ دی، کەسوکارێن سزادایێن بادینان ل پەیامەکێدا بو ڕایا گشتی بەحس ژ وێ یەکێ کر، دەستهەلات ب نە ڕاستەوخو و لژێر ئەشکەنجێ دا، گەفا بەلاڤکرنا ڤیدیویێن دانپێدانا ب زۆری یا کەسێن گرتی دکەت، گوتژی، وی کارێ نە ئەخلاقی رەتدکەن و ب وێ ژی، ئەو و خەلکێ هەرێما کوردستانێ زێدەتر تۆرە دکەن.

و.ح