سەرنووچە:

وەزیرێ پێشمەرگەی: یەکگرتنا تەڤایا هێزێن مە پێتڤی ب لهەڤهاتنا سیاسیی هەیە

فۆتۆ: 
2021-01-25

221 جار خوێندراوەتەوە

وەزیرێ پێشمەرگەیێ حکومەتا هەرێمێ ڕاگەهاند، سەرەرای ئاستەنگیان، لێ ئیرادەکا ب هێز هەیە بۆ گەهشتن ب داوی دەرئەنجامێن چاکسازیێ، کو دروستکرنا هێزەکا نشتیمانیا سەربازیا سەردەمیانە، د بێژیت "یەکگرتنا تەڤایا هێزان پێتڤی ب لهەڤهاتنا سیاسیی هەیە ".

شۆڕش ئیسماعیل وەزیرێ پێشمەرگەیێ حکومەتا هەرێمێ، ل دەمێ پێشوازیکرنێ ل شاندەکێ پەرلەمانێ کوردستانێ ڕاگەهاندیە، ل پڕوسا چاکسازیا وەزارەتێدا پێنگاڤێن باش چووینە پێش ب رێکا پێنج لژنێن سەرەکیێن ئاراستێن چاکسازیا ب هاریکاریا هەفپەیمانا بەردەوامی هەیە.

بەحس ل وێیەکێ ژی کر، "سەرەڕای ئاستەنگیان، لێ ئیرادەکا ب هێز هەیە بۆ گەهشتن ب داوی دەرئەنجامێن چاکسازیێ، کو دروستکرنا هێزەکا نشتیمانیا سەربازیا سەردەمیانەیە "

ئەوژی دا دیارکرن،"قەبارێ هەڤکاریێن هەڤپەیمانا بۆ هێزێن پێشمەرگەی، کەفتیە سەر ئاستێ بەرفرەهیا پروسا چاکسازیێ ل تەڤایا سێکتەران، ئەوژی ئەشکەرا کر، یەکگرتنا تەڤایا هێزان پێتڤی ب لهەڤهاتنا سیاسیی هەیە و برێکا هەڤپەیمانا، مەسەلە ب هێز و لایەنێن سیاسی گەهاندیە، کو دڤێت هەمی دبن سیڤاندەیا وەزارەتا پێشمەرگەیدا بن".

دوهیژی، وەزیرێ پێشمەرگەی ڕاگەهاندبوو، پڕوسا بایومەتری دنافا وەزارەتێ دا ب داوی هاتیە و و لیستا ناڤێن هێزێن ٧٠ و ٨٠ ئامادەکریە بۆ هندێ ب ئێخنە بن پڕوسا بایومەتری، و گوتبوو ژی، " یەک ب یەک هەژمارا بانکی بۆ هێزێن پێشمەرگەی دێ هێتە دروستکرن".