سەرنووچە:

شاسوار عەبدولواحید: ئەڤ ڕەوشە ب ڤی ئاوای ناچیتە سەر و هەیا سەری بێ دەنگی ب ڤی ئاوایی بەردەوام نابیت

فۆتۆ: 
2021-01-25

200 جار خوێندراوەتەوە

شاسوار عەبدولواحید سەرۆکێ ڤەلڤینا نەوەی نوێ ڕاگەهاند، "ئەڤا نها لهەمبەری هەرێمێ دایە، داوی دەلیڤەیە بۆ لهەڤهاتنێ دگەل بەغدا، ژبەر کو نەخەلک هەیا سەری بێ دەنگ دبیت و نە ئەم ژ ی بێدەنگ دبین".

ئەو یەک ژی خستیە بەرچاڤ، "ڕەوشا خەلکی یا خرابە، مە حکومەت سازی نەمایە، چ رێیەک لهەمبەری پارتی و یەکێتی نینە ژ بلی لهەڤهاتنێ دگەل بەغدا، شەفافکرنا مەلەفێ نەفتێ، نەهێشتنا کۆمپانیایێن حزبی و وازئینان ل باج و سەرانە وەرگرتن ژ ئالیێ کۆمپانیایێن حزبی و کارکرن بۆ هەلبژارتنەکا ڕاستەقینەو بوونا سازیێن ڕاستەقینە بۆ چاڤدێریکرنا دەستهەلاتێ".

شاسوار عەبدولواحید، دبێژیت ژی، "ژبلی ڤان پێنگاڤان چ پێنگاڤ و ڕێیەکا دی نینە لهەمبەری پارتی و یەکێتی بۆ ڤەمانا وان و بەردەوامبونا وان ل سیستما سیاسیا هەرێمێ، بەرۆڤاژی ویێەکێ چارەنڤیسێ وان ١٦ێ ئۆکتۆبەرەکا دی و پەیاما پشت فلما ئیرانی یە".