سەرنووچە:

ڕێڤەبەریا گشتیا ساخلەمیا دهۆکێ ئامار و چالاکیێن خۆ یێن ٢٠٢٠ێ بەلاڤکرن

فۆتۆ: 
2021-01-25

279 جار خوێندراوەتەوە

ڕێڤەبەریا ساخلەمیا دهۆکێ ڕاگەهاند، سالا ٢٠٢٠ێ ل پارێزگەها دهۆکێ ٤ هزار و ٨٠٥ کەسان ب سەدەمێن جودا ژیانا خۆ ژ دەستدایە، و ٣٤ هزار و ٢١٢ زارۆک ژی ژ دایکبوونە.

حەمزە رەزیکی پەیڤدارێ ڕێڤەبەریا گشتی یا ساخلەمیا پارێزگەها دهۆکێ د کونگرەیەکێ ڕۆژنامەڤانی دا ئامارا گشتی یا ڕێڤەبەریا گشتیا ساخلەمیێ ل پارێزگەها دهۆکێ ڕاگەهاند و ئامار ب ڤی ئاوایێ ل خۆارێ نە:

 - ٢ ملیۆن و ٤٥٢ هزار و ٧٨٢ کەسان سەرەدانا بنگەهێن ساخلەمیێ کرنە.

 -٤هزار و ٨٠٥ کەسان ژیانا خۆ ژ دەستدایە.

- ١١٣ هزار و ٨١٢ کەس ل نەخوشخانە و سەنتەرێن تایبەت هاتنە نڤاندن.

- ٣٤ هزار و ٤٣٠  نەشتەرگەری ب هەمی جۆرانڤە ل بنگەهێن ساخلەمیێ هاتنە ئەنجامدان.

- ٣ ملیۆن و ٢٤٥ هزار و ٣٥٠  پشکنین ل تاقیگەهان هاتنە ئەنجامدان.

ـ ٨ هزار و ٨٨٥  کەس پێتڤی ب ڕۆنشتنێن گولچیسکا بووینە و ڕونشتن بوو وان هاتیە ئەنجامدان.

- ٤٣ نشتەرگەریێن چاندنا گولچیسکان هاتنە کرن.

- ١ هزار و ٣٣٠ قەستەرێن دلی بۆ نەخوشان هاتنە ئەنجامدان.

- ١٦١ نەشتەرگەریێن دلی ب هەمی جورێن خۆڤە هاتنە ئەنجامدان.

- ٧٠٠ نەخوشێن نوی توشی پەنجەشێرێ بووینە.

- ٣٤ هزار ٢١٢ زارۆک ژ دایک بوونە، ژ وانا ژی ١٦ هزار و ٨٩٠ کچ بووینە و ١٧ هزار و ٣٢٢ کۆر بووینە.

ئاماژە ب ئامارا ئاوارەیان ژی کر کو ٢٠٢٠ێ ل دهۆکێ ژیانە  و گوت، ٦ هزار و ١٨٧ زارۆک ل بنگەهێن ساخلەمیێ ژ دایکبوونە.

هەڤدەم ئاماژە ب وێیەکێ ژی کر، ژمارا ژیان ژ دەستدانێ ل سەرتاسەری پارێزگەها دهۆکێ پتر ب سەدەمێ نەخوشیێن دلی و دەمارێن خوینێ کو ١ هزار و ١٤٩ کەس بووینە، هەروەسا سەدەمێ دوویێ ژی نەخوشیێن ڤەگربوونە و ژوانا ژی کۆرۆنا کو ١ هزار و  ١١٦ کەس بووینە.

ئەڤە د دەمەکێ دایە ل سالا ٢٠٢٠ێ کۆرۆنایێ پتریا جیهانێ ڤەگرت و ژیانا مرۆڤان ئێخستە د دمەترسیێدا و بوویە سەدەمێ مرنا نیزیکی دوو ملیۆن مروڤان لسەر تاسەری جیهانێ بگشتی و هەرێما کۆردستانێ و پارێزگەها دهۆکێ ژی بەشەک بوون ژ وێ ڕێژەیێ، لێ ئەوا ژ ڤایرۆسێ کۆرۆنایێ پتر بوویە سەدەمێ ژیان ژ دەستدانێ ل وێ پارێزگەهێ نەخوشیێن دلی و دەمارێن خوینی بوویە.

هـ.إ