سەرنووچە:

کاوە عەبدولقادر: دڤێت پێشمەرگەیێن ٧٠ و ٨٠ێ یا بزانن پارتی و یەکێتی نەڤێن ئەو ببنە هێزەکا رێکخستی

فۆتۆ: 
2021-01-25

623 جار خوێندراوەتەوە

پەڕلەمانتارەکێ کوردستانێ ل فڕاکسیۆنا  نەوەی نوێ ڕاگەهاند، پارتی و یەکێتی نەڤێن پێشمەرگەیێن یەکا ٧٠ و ٨٠ێ یا ببنە هێزەکا رێکخستی و مووچە و پلە و دەرمالەیێن وان بهێنە رێکخستن. دبێژیت ژی، وان دوو حزبان دڤێت هێز دبن هەژموونا واندا بیت هەیا کو بەردەوامیێ ب حکومڕانیا خۆ بدەن.

کاوە عەبدولقادر، پەڕلەمانتارێ کوردستانێ ل فڕاکسیۆنا نەوەی نوێ ڕاگەهاند، "دڤێت پێشمەرگەیێن قەهرەمانێن یەکا حەفتا و  هەشتا وێیەکێ بزانن پارتی و یەکێتی نەڤێن وان بکەنە هێزەکا رێکخستی، هەیا کو مووچە و پلە و دەرمالەیێن وان بهێنە رێکخستن و وەکی هێزەکا نیزامیا کوردستانێ بهێنە ناسکرن، بەلکۆ وان دوو حزبا دڤێت لبن کۆنتڕۆلا وان دا بمینن بۆ پاراستنا بەرژەوەندیێن حزبێن خۆ و بەردەوامی دانێ ب حکومڕانیا خۆ یا خراب".

دبێژیت ژی، ل دەما شەرێ داعشێ و هەیا نها هێزێن هەڤپەیمانان مەهانە نێزیکی ٢٥ ملیۆن دۆلاران بناڤێ هەڤکاریان بۆ وەزارەتا پێشمەرگەی دشینە، "لێ ئەو پارە نەهاتیە دان ب پێشمەرگەی و نەچوویە سەر حسابا وێ وەزارەتێ، بەلکو ئێخستنە سەر حسابا حکومەتێ و ئەوان ژی ب حەزا خۆ بکارئینایە".

بەحسا وییەکێ ژی کریە، چەند سالەکن هەڤپەیمانان ب سەرکردایەتیا ئەمریکا هەمی بزاڤێن خۆ کرنە بۆ وێیەکێ هێزێن پێشمەرگەی د چارچوڤێ هێزەکا نیزامییا ڕاهێنان پێکریدا بهێنە رێکخستن، بۆ ڤێ یەکێ ژی فشارەکا زێدە ئێخستیە سەر پارتی و یەکێتی و هەیا نهاژی شیانە ١٢ لیوایێن هەڤبەش دروستبکەن.

ئاماژە ب وێیەکێ ژی کریە، د نهادا هەڤپەیمانان ب ئەشکرا بۆ حکومەتا هەرێمێ ڕاگەهاندیە، کو بتنێ دێ هەڤکاریا هێزێن رێکخستی یێن هێزێن پێشمەرگەی کەن و هەڤکاریێن ماددی و سەربازی ژی بتنێ بۆ وانایە، ژبەر وێیەکێ دڤێت وی کۆژمێ پارەی ڕاستەوخۆ بدەنە وان هێزان و هەرەشەیێن وێیەکێ ژی کرنە کو ئەگەر ئەو پارەیە ڕاستەوخۆ نەچیتە سەر حسابا وەزارەتا پێشمەرگەی و ب وان پێشمەرگەیێن لیوایێن رێکخستی نەهێتە دان، ئەو هەڤکاریە دێ  هێنە ڕاوەستاندن.

وی پەڕلەمانتارێ کوردستانێ تەکەز ل وێیەکێ ژی کریە، "پێشمەرگەیێن قارەمانێن یەکیێن ٧٠ و ٨٠ێ بونە قوربانیێن بەرژەوەندیێن پارتی و یەکێتی و نها باجا وێ دابەشکاریێ ددەن".

دووهی وەزارەتا پێشمەرگەی بۆ ئێن ئاڕ تی ڕاگەهاند، دبن فشارێن هێزێن هەڤپەیمانان دا، دێ دەستکاریێ د لێبڕینا مووچەیێ وان هێزێن هەڤبەشێن سەر ب وەزارەتا خۆ ڤە کەن. ڕاگەهاند ژی، "لێبڕینێ یان بتەمامی دێ ڕاکەیین یان دێ کێم کەین".

و.ح