سەرنووچە:

ئەڤرۆ مووچەیێ ڤان جهان دێ هێتە پارڤەکرن

فۆتۆ: 
2021-01-25

1014 جار خوێندراوەتەوە

ل گۆڕەی ڕاگەهاندنەکا وەزارەتا دارای، ئەڤرۆ دووشەمبێ، مووچەیێ وەزارەتا نافخۆ، هێزێن زێرەڤانی، هێزێن بەڕەڤانی و هەوارهاتنێ، رێڤەبەریا بەڕەڤانیا ڕەگەزناما هەرێمێ، لیوایێن نەفت و گازێ، وەزارەتا شەهید و ئەنفالکریان، کەسوکارێن شەهیدان و ئەنفالکریان و زیندانیێن سیاسی، ب لێبرینا ٢١%ێ دێ هێتە پارڤەکرن.

د پێشهاتەکا نوی ژی دا دەربارەی مووچەی، دووهی وەزارەتا پێشمەرگەی بۆ ئێن ئاڕ تی ڕاگەهاند، د بن فشارێن هێزێن هەڤپەیمانان دا، دەستکاریا لێبڕینا مووچەیێ هێزێن هەڤبەشێن سەر ب وەزارەتا وانڤە هێتە کرن، ڕاگەهاندیە ژی، "لێبڕین یان دێ بتەمامی هێتە ڕاکرن یان دێ کێم کەن".

نێزیکی ٥٠ رۆژ بسەر داوی مووچەدا دەربازبووینە کو حکومەتا هەرێمێ ل دەستپێکا مەها ١٢ێ  یا سالا دەربازبووی پارڤەکر، ب ڕەنگەکێ دوێ سالێ دا هەشت مووچە پارڤەکرن، کو سێ ژ وان بۆ ٢٠١٩ێ و پێنج ژی بۆ سالا ٢٠٢٠ێ ڤەدگەرن.

ژ وان پێنج مووچەیان ژی کو ل سالا ٢٠٢٠ێ پارڤەکرنە، بتنێ یەک ژ وان مووچەیێ تەمام بوویە و یەک ژی ب لێبڕینا ١٨%ێ بوویە و سێ یێن دی ژی ب لێبڕینا ٢١% بوویە.

و.ح