سەرنووچە:

حکومەتا عێراقێ داوی مۆلەت بۆ دەرخستنا هێزێن نەیاسایێن شنکالێ دیارکر

فۆتۆ: 
2020-11-26

1353 جار خوێندراوەتەوە

حکومەتا عێراقێ هەیا یەکێ مەها داهاتی مۆلەت دا بۆ دەرچوونا هێزێن نەیاسای ل شنگالێ، ئەگەر هەیا وی دەمی دەرنەکەڤن ئوپراسیۆن ل دژی وان دهێتە ئەنجامدان.

عەقید موسلیم فەرماندارێ لیوا ٩٢ یا عێراقێ بۆ ئێن ئاڕ تی ڕاگەهاند، حکومەتا عێراقێ داوی مۆلەت بۆ هێزێن چەکدارێن نەیاسای کو پێدهێن ژ،  حەشدا شەعبی، هێزا پاراستنا ئێزیدخان و بەیەشە، دایە، ئەگەر هەیا یەکێ مەها داهاتی واتە ڕۆژا سێشەمبیا بهێت، ژ سنوری قەزا شنگالێ دەرنەکەڤن دێ ئۆپراسیۆنێن سەربازی ل دژی وان هێنە ئەنجامدان.

وی فەرمانداری بەحسا وێیەکێ ژی کر، "وان دوهی جڤینەک لسنورێ قەزا شنگالێ دگەل چەند بەرپرسێن سەربازیێن حکومەتا عێراقێ ئەنجامدایە و پشتی جڤینێ بڕیار هاتە دان، ئەگەر هەیا یەکێ مەها داهاتی هەموو هێزێن چەکدارێن نەیاسایی دەرنەکەڤن، دێ ئۆپرسینەکا سەربازی ل دژی وان هێتە ئەنجامدان و چەکێن وان ژی دێ هێنە ژێ وەرگرتن".

نوچەگەهانێ ئێن ئاڕ تی گۆت ژی، د هەمبەر وێ بڕیارا حکومەتا عێراقێ دا، بڕیارە خەلکێ شنگالێ، ل دژی بڕیارا حکومەتا ناڤەند چووینە دەڤەرا چرمێرا و خیڤەت ل سەرێ چایێ شنگالێ هەلدانە، هەیا کو ڕێگریێ ژ درۆستبوونا شەڕی بکەن و داخواز دکەن، ئاریشەیین شنگالی ب ئاشتیانە بهێنە چارەسەرکرن.

نەزیر شنگالی نووچەگەهانێ ئێن ئاڕ تی