سەرنووچە:

پەرلەمانتارەکێ عێراقێ: بەغدا چ بڕە پارەیەک نینە هەیا کو بۆ هەرێما کوردستانێ بشینیت

پشکا بودجەیا هەرێمێ
فۆتۆ: 
2020-11-26

4410 جار خوێندراوەتەوە

ئەندامەکێ لژنەیا دارایی ل پەرلەمانێ عێراقێ راگەهاند، حکومەتا ناڤەند چ پارە ل بەردەست نینن و هەر کەسەک ژی پارەی بۆ هەرێما کوردستانێ بشینت دێ ڕاستی لێپرسینێ بیت، ژبەر کو یاسا بنپێکریە.

سامر زیبان ئەندامێ لیژنەیا دارایی ل پەرلەمانێ عێراقێ ب میدیایێن عێراقی راگەهاند، ئەگەر حکومەتا هەرێما کوردستانێ داهاتێ پەترۆلێ بۆ حکومەتا عێراقێ نەشینیت، ئەڤە چ پارەیەک ناگەهیتێ.

ئاماژە ب وێیەکێ ژی کر، بەریا نها سکالایا یاسایی ل دژی فوئاد حوسێن وەزیرێ وی دەمیێ دارایی تۆمار کرنە، ژبەر کو پارە ب ئاوایەکێ نەیاسایی بۆ هەرێمێ شاندیە.

ئەڤە ژی ددەمەکی دایە، دوهی حکومەتا هەرێمێ راگەهاندبوو، بڕیاردایە نامەیەکا فەرمی ب ناڤێ حکومەتا هەرێمێ ئاڕاستەی جڤاتا وەزیرێن عێراقێ بکەن و داخازا پشکا بودجەیا هەرێما کوردستانێ بۆ مەهێن ٥ و ٦ و ٧ و ١٠ ێن ئیسال بکەن.