سەرنووچە:

ماکرۆنی تاوانبارێ هێرشا ئەڤرۆ یا سەر وەلاتێ خۆ ئاشکراکر

فۆتۆ: 
2020-10-29

848 جار خوێندراوەتەوە

سەرۆکێ فرەنسا ڕاگەهاند، ئەنجامدەرێ وێ هێرشا ئەڤرۆ سپێدێ کرییە سەر کەنیسەکا باژێری نیس و تێدا سێ کەس کوشتن و ب چەقۆیێ ملێ ئێکی ژی ژ لەشێ وی ڤەکریە، پێکهاتییە ژ "تیرورستەکێ ئیسلامی."

ئێمانوێل ماکرۆن، سەرۆکێ فرەنسا د کۆنفرانسەکا نووچەی دا ل باژێریێ نیسەوە ڕاگەهاند، ب سەدەما هێرشێن ڤان داوییان بۆ سەر خەلکێ وەلاتێ وی و هێرشا ئەڤرۆ سپێدێ بۆسەر کەنیسەکێ ل باژێرێ نیس،  بریاردایە هزاران سەربازان ل سەرانسەری وەلاتی دا بێختە د حالەتێ ئامادە باشیێ دا.

ڕاگەهاند ژی، د ئەڤرۆ شون دا رێژا زێرەڤانێن قوتابخانا و کەنیسا دێ زێدەتر کەن رەنگە حەتا حەفت هزار سەربازان رەوانەی ناڤ باژێران بکەن.

ئەو هێرشا ئەڤرۆ د دەمەکی دا یە، د چەند رۆژێن دەربازبووی دا  کەسەکێ ب رەگەز چیچانی مامۆستایێ قوتابخانەکا پاریس یا پایتەختێ فرەنسا سەرژێکر و سەدەم ژی نیشاندانا کاریکاتێرێ پێغەمبەرێ ئیسلامێ بو بۆ قوتابیێن خۆ و لدیف دا ژلایێ پۆلیسان هاتە کوشتن.

لدیف وێ بوویەرێ ژی، ئیمانوێل ماکرۆن ڕاگەهاند، "ئیسلام پێتڤی ب چاکسازیایە" و دڤێت گورانکاری ل تێگەهشتنێن وان دا بهێتە کرن، ئەڤێ ژی کاردانەڤەیا بەشەکا موسولمانێن جیهانێ لێکەفتیە و رەخنا ل گۆتنێن سەرۆکێ فرەنسا دگرن.