سەرنووچە:

بهایێ لیرەی لهەمبەر دۆلاری زێدەتر داکەت

فۆتۆ: 
2020-10-29

1206 جار خوێندراوەتەوە

بهایێ لیرەیێ تورکی د بۆرسێ دا ب شێوەکێ بەرچاڤ بەردەوامە د داکەفتنێ دا کو ١٠٠ دۆلارێن ئەمریکی لهەمبەر ٨٣٠ لیرەیێن تورکی مامەلە پێ دهێتەکرن.

ئەڤرۆ پێنجشەمبێ ٢٩ێ جۆتمەها ٢٠٢٠ ێ، د بۆرسا تورکیا دا یەک دۆلارێ ئەمریکی لهەمبەر ٨.٥ لیرایە، د دەمەکی دا حەفتیا دەربازبووی یەک دۆلارێ ئەمریکی لهەمبەر ٩.٧ لیرەیان بوو و ئەڤرۆ ١٠٠ دۆلارێن ئەمریکی د بازارێن تورکیا دا لهەمبەر ٨٣٠ لیرەیێن تورکی مامەلە پێ دهێتەکرن.

هەڤدەم، تورکیا نها دڤێت سیستەمێ بەرگری یێ رۆسی (ئێس ـ ٤٠٠) تاقیبکەت، ڤێ یەکێ ژی ئەمریکا دلگران کرییە و هەرەشا سەپاندنا سزای لسەر تورکیا دکەت، دەربارەی ڤێ ژی، رەجەب تەیب ئەردۆغان سەرۆککۆمارێ تورکیا ڕاگەهاند بوو، وەلاتێ وی گوهـ نادەتە سزایێن ئەمریکا.

لدیف وێ یەکێ ژی ، چاڤدێر بەشەکا داکەفتنا بهایێ لیرەیێ تورکی  ڤەدگەرینن بۆ لاوازبوونا باوەریا خەلکێ تورکیا ب دراڤێ وان، هەروەسا، نەجێگیریا رەوشا سیاسی و ئابووریا وی وەلاتی و ئالۆزیێن تورکیا د پەیوەندیێن دەرڤەدا ب تایبەتی ل دەریایا ناڤەراست و دەستێوەردان ل ئاریشێن دناڤبەرا ئازەربایجانێ و ئەرمینیا کاریگەری لسەر داکەتنا بهایێ لیرەیێ تورکی هەیە.