سەرنووچە:

شاسوار عەبدولواحید: یان وەشانا ڕاستەوخۆ و گۆتنێن حەق یان پێلاڤ

پشتی بوویەرێن ئەڤرۆیێن پەرلەمانی
فۆتۆ: 
2020-10-27

350 جار خوێندراوەتەوە

سەرۆکێ ڤەلڤینا نەوەی نوێ ڕاگەهاند، " د ئەڤرۆ  شوندا  بڕینا گۆتنێن پەرلەمانتاران یان بڕینا دەنگێ وان یان قەتیانا وێنان و ڕاگرتنا وەشان، دڤێت پەرلەمانتار بتایبەت یێن نەوەی نوێ پێلاڤێن خۆ بلند بکەن بۆ دەستەیا سەرۆکایەتیێ و ب هاڤێژنێ،" دبێژیت ژی، "یان وەشانا ڕاستەوخۆ و گۆتنێن حەق یان پێلاڤ."

شاسوار عەبدولواحید سەرۆکێ ڤەلڤینا نەوەی نوێ دەربارەی جڤینا ئەڤرۆ یا پەرلەمانی ل فەیسبۆکێ بەلاڤکریە، "  ڤێ جارێ مە پێدڤی ب ٣٠ پەرلەمانتارێن وەک ڤان چار پەرلەمانتارێن ئازا هەیە، دا هەموو رۆژێ پەرلەمانی لێ بکەنە قوزلقورت."

ئەو ژی دیارکر، " لاوازی و ترسنۆکیا پارتی و یەکێتی ژ دوو تشتێن ب ڤی جۆری دەردکەڤیت، کو چەوا ترسیاینە ژ گۆتنێن حەق و گۆتنێن پەرلەمانتاران، حەتا وێنان ژی نیشا نادەن د دەمێ پەخشێ ڕاستەوخۆ و قسەکرنێ دا".

بەحسا وێ یەکێ ژیکر، "ژ ئەڤرۆ شوندا بڕینا گۆتنێن پەرلەمانتاران یان بڕینا دەنگێن وان یان دەرنەخستنا وێنان و ڕاگرتنا وەشانێ، دڤێت هەموو پەرلەمانتار بتایبەت یێن نەوەی نوێ پێلاڤێن خۆ بلند بکەن بۆ دەستەیا سەرۆکاتیێ  و ب هاڤێژنێ."

شاسوار عەبدولواحید دبێژیت ژی، "دەستەیەکا سەرۆکایەتیێ نکاریت تەحەمولا گۆتنەکا پەرلەمانتارەکی بکەت و بۆ وەلاتیان نەڤەگوهێزیت و وەلاتی  و خەلک ئاگەهداری وان گوتوبێژێن ڕاستەقینەیێن ناڤ پەرلەمانی نەبن، وی دەمی ئەو دەستەیا سەرۆکاتیێ بۆ پێلاڤ گرتنێ باشن هەیا کو ئاستێ خۆ بزانن."

ئاماژە ب وێ یەکێ ژیکر،" پێدڤیە پەرلەمانتارێن نەوەی نوێ ژ ئەڤرۆ شوندا ڤێ ستراتیژیێ پەیڕەو بکەن لهەمبەر بێرێزیکرن ب خەلک و  پەرلەمانی".

ڕاگەهاند ژی، " ژ ئەڤرۆ شوندا یان وەشانا ڕاستەوخۆ و گۆتنێن حەق وەکو هەموو پەرلەمانێن دنیایێ یان پێلاڤ گرتن و ڕاگرتنا ڤێ مەهزەلەیێ."