سەرنووچە:

پەکەکێ هەلویستێ خۆ دەربارەی لڤاندنا هێزێ ژ ئالیێ پارتی ڕاگەهاند

فۆتۆ: 
2020-10-27

3098 جار خوێندراوەتەوە

موراد قەرەیلان راگەهاند، پارتی هێزا خۆ بۆ چەند دەڤەران لڤاندیە و بەرهەڤی بۆ شەڕی هاتنە کرن، لێ ئەو بزاڤا ڕێگریێ ژ وی شەڕی دکەن و  بەرهەڤن ئاریشەیان  ب دیالۆگ چارەسەربکەن.

موراد قەرەیلان ئەندامێ کۆنسەیا ڕێڤەبەریا پەکەکێ د چاڤپێکەفتنەکێ دا دگەل میدیایێن نێزیک ژ پەکەکێ ڕاگەهاند،" هەڤکاریا سیخوڕی د ناڤبەرا پارتی و تورکیا خزمەتێ ب گەلێ کورد ناکەت، دبێژیت ژی، پارتی ل هەریەک ژ دەڤەرێن حەفتەنین، مەتینا، گارە و هندەک جهێن دیێن سەر ب دەڤەرا بادینان بەرهەڤیان بۆ شەڕی دکەن، ئەگەر وان چاڤدێری و زانیاریێن هویر لسەر وی بابەتی نەبایە، نەدئاخفتن، پرسیارێ ژی دکەت و دبێژیت، ئەو بەرهەڤی بۆ چنە و نیەتا وان چییە؟.

قەرەیلانی ڕەتکر ژی، کو پەکەکە بەدیلێ دەستهەلاتا هەرێمێ بیت و دبێژیت، بزاڤێ ناکەن هەولێر بئێخنە بن کۆنترۆلا خۆ، هەروەسا رەتکر ژی، ئەندامێن پەکەکێ دەست هەبووبیت، ل کوشتنا رێڤەبەرێ ئاسایشا سەر زێرێ و دبێژیت ژی، بلا جڤاتا ئەولەهیا هەرێمێ بەلگەیێن خۆ بەلاڤکەت.