سەرنووچە:

عێراقێ هزاران کرێکارێن بیانی دیپۆرتی وەلاتێن وان کرنەڤە

فۆتۆ: 
2020-10-23

438 جار خوێندراوەتەوە

وەزارەتا ناڤخۆ یا عێراقێ ڕاگەهاند، زێدەتری هەشت هزار کرێکارێن بیانی کو ل وەلاتێن جودایێن ئاسیا هاتبوون رەوانەی وەلاتێن وان کرنەڤە، ئەڤە ژی ژبەر سەرپێچیکرنا مەرجێن مانەڤێ ل دیف یاسایا مانەڤەیا بیانیان.

د ڕاگەهاندنەکێ دا وەزارەتا ناڤخوویا عێراقێ بەلاڤکریە، لسەر رێنمایێن وەزیرێ ناڤخۆ ڕێڤەبەریا مانەڤێ، هەشت هزار و ٣٩ کرێکارێن بیانی دیپۆرت کرینەڤە کو ل پرۆژێ  بەسمایی ئاکنجیبوون ل باشورێ رۆژهەلاتا بەغدا کاردکرن.

گۆت ژی ، ئەڤ رێکارە دبیت ببیتە ئەگەرێ ب دەست ڤەئینانا نەهـ ملیار و ١٤٨ ملیۆن دیناران بۆ داهاتێ خەزینا حکومەتێ، ب گۆتنا بەرپرسەکێ  وەزارەتا ناڤخۆ ئەڤ داهاتە ب رێیا سەپاندنا سزایێ سەرپێچیکرنێ دێ ب سەر خودانێن پرۆژان دەست کەڤیت.

ژبەر ئەرزانییا دەستێ کاری ل زۆربەیا وەلاتێن ئاسیا، گەلەک بەلێندەرێن عێراقێ کرێکارێن وان وەلاتان دئینن ، لێ ل دیف دا مۆلەتێن مانەڤێ بۆ نوی ناکەنەڤە، ژبەر وێژی مانەڤەیا وان دێ بیتە نەیاسایی.

وەزارەتا ناڤخۆ ئەڤ کارە ب دەستکەفتەک لێکدایەڤە و ڕاگەهاندییە  ژلایەکێ دی داهات بۆ خەزینا وەلاتی دێ زڤریتەڤە  و ژ لایەکێ دی ژی، دەلیڤێن کاری بۆ وەلاتیێن ناڤخۆ دێ پەیدابن.