سەرنووچە:

پێدڤیە پشتی سێکسێ میز بهێتە کرن؟

فۆتۆ: 
2020-10-23

4960 جار خوێندراوەتەوە

ل ناڤا پرانیا خەلکی وەسایە کو دڤێت پشتی سێکسێ دەملدەست میزێ بکەی، هەندەک خەلک ڤێ شیرەتێ جیبجێ دکەن، هندەکێن دی ژی جیبجێ ناکەن، ئەرێ پشتگوێ هاڤێتنا وی کاری مەترسیدارە؟

لگۆڕەی ڕۆپەلا "Healthline"، پێدڤی ناکەت دەملدەست پشتی سێکسێ میزێ بکەی، لێ کرنا وێ ژی زیان نینە و چێدبیت چەند مفایێن کێم هەبن.

ل دەما سێکسێ چێدبیت بەکتریا ب ئەندانمێ مێینەیێ بەرامبەری تە هەبیت و ب سەدەما کرنا سێکسێ بچیتە ناڤ ڕێیا مێزی، لێ دەما کو تەمام بووی دکاری بچیە تەوالیتێ و ب کرنا میزێ دێ ئەو بەکتریا ل ڕییا میزێ دوورکەڤیت.

ئەڤ کارە ژی زێدەتر بۆ ژنان باشترە،  ژبەر کو ڕێیا میزا وان  کورترە و بەکتریا ژی دەمەکێ کێم دڤێت هەیا کو بگەهنە جهێ دیارکر ژی، لێ بۆ زەلامان هند مفا نینە، ژبەر کو رێیا میزا وان درێژە.

مێزکرن پشتی سێکسێ ب چ ئاوایەکێ ڕێگر نینە بۆ دووگیانبوونێ، خۆ ئەگەر دوو چرکەیان ژی پشتی سێکسێ میزێ بکەی، ژبەر کو سپێرم ب ڕێیەکا دا دچیت و میز ژی ب ڕێیەکا دی.

دەربارەی دەمێ میزکرنێ ژی، وی ڕۆپەلێ بەحسا وێیەکێ کریە، وەسا باشترە ٣٠ خولەکان پشتی سێکسێ میزێ بکەی.