سەرنووچە:

بابەشێخ بابێ رۆحیێ ئیزدیان وەغەرا داویێ کر

فۆتۆ: 
2020-10-01

771 جار خوێندراوەتەوە

رێڤەبەرێ کاروبارێن ئێزدیان ڕاگەهاند، بەریا دەمەکێ  بابەشێخ بابێ رۆحیێ هەمی ئێزدیان ب سەدەما نەخۆشیا گولچیسکان وەغەرا داویێ کر.

جەعفەر سمۆ، رێڤەبەرێ کاروبارێن ئێزدیان بۆ ئێن ئاڕ تی  ڕاگەهاند، بەریا دەمەکێ بابەشێخ بابێ رۆحیێ ئێزدیان ب سەدەما نەخۆشیا گولچیسکان ل یەک ژ نەخۆشخانەیێن باژێرێ هەولێرێ د ژیێ ٨٧ سالیێ دا وەغەرا داویێ کر.

سەرۆکێ جڤاتا رۆحانیا ئێزدیان بەحسا وێیەکێ ژی کر، سەدەمێ سەرەکیا وەغەرا بابەشێخی، نەخۆشیا گولچیسکان بوویە و چ نەخۆشیێن دی نەبووینە.

ئەڤە د دەمەکێ دایە، کو دوهی جەعفەر سمو رێڤەبەرێ کاروبارێن ئێزدیان بۆ ئێن ئاڕ تی ڕاگەهاند، ڕەوشا ساخلەمیا بابەشێخ تێکچوویە و دیڤدا بۆ وەرگرتنا چارەسەریێ ڤەگۆهاستیە نەخۆشخانەیەکا باژێرێ دهۆکێ، لێ ئەڤرۆ ڕەشا وی تێکچوویە و ڤەگۆهاستیە یەک ژ نەخۆشخانەیێن هەولێری.

بابەشێخ ل سالا ١٩٣٣ێ ل ناحیا باعەدرێ یا گرێدای قەزا شێخان ژ دایکبوویە، ب بابێ رۆحیێ هەمی ئێزدیێن کوردستان و عێراق و جیهانێ دهێتە دانان، لێ ئێڤاریا ئەڤرۆ پێنجشەمبێ ژ ئەگەرێ نەخۆشیا گولچیسکان ل یەک ژ نەخۆشخانەیێن باژێرێ هەولێرا پایتەخیا هەرێما کوردستانێ وەغەرا داوایێ کر و دێ ل گۆڕستانا بۆزان یا گرێدای ناحیا ئەلقوش، سەر ب پارێزگەها موسلێ هێتە ڤەشارتن.

No description available.

No description available.