سەرنووچە:

ساخلەمیا هەرێمێ ئامارا ٢٤ دەمژمێرێن توشبوویێن کۆرۆنایێ راگەهاند

فۆتۆ: 
2020-10-01

328 جار خوێندراوەتەوە

وەزارەتا ساخلەمیا ھەرێمێ ڕاگەھاند، د دەما ۲٤ دەمژمێرێن دەربازبوویی دا، ٦٨٤ حالەتێن نوویێن توشبوون ب کۆرۆنایێ و ٢٨٣ چێبوونەڤە، ٢١ ژیان ژدەستدان ھاتنە تۆمارکرن.

ئەڤرۆ پێنجشەمبیێ، وەزارەتا ساخلەمیا ھەرێمێ ڕاگەھاند، د دەما ۲٤ دەمژمێرێن دەربازبوویی دا ٦٨٤ حالەتێن نوویێن توشبوون ب کۆرۆنایێ ھاتنە تۆمارکرن، ب ئاوایەکێ کو ٣٣٧ ل دهۆکێ، ٢٢٩ ل هەولێرێ، ٦٠ ل سلێمانیێ، ٣٠ ل گەرمیانێ، ٢٨ ل هەڵەبجە بووینە.

دیارکریە ژی، ٢٨٣ کەسێن دی ژ نەخۆشیێ چێبووینەڤە، ب ئاوایەکێ ١٨٦ ل هەولێرێ، ٣٥ ل هەڵەبجەیێ، ٢٩ ل سلێمانیێ، ٣٣ ل گەرمیانێ.

بەحسا وێ یەکێ ژی کریە، ٢١ حالەتێن ژیان ژدەستدانێ ھاتنە تۆمارکرن کو دوو  ل ھەولێرێ، ١٠ ل سلێمانیێ، یەک ل گەرمیانێ، هەشت ل دھۆکێ.

لگۆر داوی ئاماران، ھەیا نھا ٤٨ ھزار و ٤٩٤ حالەتێن توشبوون ب ڤایرۆسێ کۆرۆنایێ ل ھەرێمێ ھاتنە تۆمارکرن، ژ وێ ژمارێ ژی ٣٠ ھزار و ٨٨٨ کەس ژ نەخۆشیێ چێبووینەڤە و ھزار و ٧٧٠ کەسان ژی ژیانا خۆ ژدەستدانە.