سەرنووچە:

ل دهۆکێ بهایێ ئەمپێرێن کارەبا موەلیدان هاتە دیارکرن

فۆتۆ: 
2020-10-01

2698 جار خوێندراوەتەوە

لیژنەیا سەرپەرشتیکرنا موەلیدان ل دهۆکێ بۆ ئێن ئاڕ تی ڕاگەهاند، بۆ هەر ئەمپێرەکا کارەبا موەلیدان بۆ مەها دەربازبوویی پێنج هزار ٧٥٠ دینار دێ هێنە وەرگرتن.

هەکار هروری نوینەرێ خودانێن موەلیدان د لیژنەیا سەرپەرشتیکرنا موەلیدان ل دهۆکێ بۆ ئێن ئاڕ تی ڕاگەهاند، پشتی کو لیژنەیا وان ئەڤرۆ جڤینەک ئەنجامدا ب مەرەما نرخاندنا هەبوونا کارەبێ و کارکرنا موەلیدان و تێدا بڕیار دان، بۆ مەها دەربازبوویی (ئیلۆنێ) بۆ هەر ئەمپێرەکێ پێنج هزار و ٧٥٠ دیناران ژ وەلاتیان وەربگرن.

دیارکر ژی، کو ڕۆژانە نێزیکی پێنج دەمژمێرێن کارەبا موەلیدەیان ب وەلاتیان هاتیەدان و لگۆری وان دەمژمێرێن کاری، ئەڤ بهایە هاتیە دەستنیشانکرن.

ئەڤە ژی دەمەکێ دایە، کو بۆ مەها هەشت (تەباخێ) یا دەربازبوویی بۆ هەر ئەمپێرەکا کارەبا موەلیدان شەش هزار دینار هاتبوو دیارکرن، لێ پشتی چەندین جڤینان بها بۆ پێنج هزار و ٧٥٠ دیناران هاتە کێمکرن.

س.م