سەرنووچە:

ل دهۆکێ دێ قۆناغا دوویێ یا پارەیێ گەنمێ جوتیاران هێتە پارڤەکرن

فۆتۆ: 
2020-09-30

657 جار خوێندراوەتەوە

ئەڤرۆ دێ قۆناغا دوویێ یا پارەیێ گەنمێ جوتیارێن سنورێ پارێزگەها دهۆکێ هێتە پاڤەکرن، کو هەشت ملیار و٣٣١ ملیۆن دینارن.

نازم محەمەد رێڤەبەرێ کۆمپانیا دەخلودانی ل پارێزگەها دهۆکێ بۆ ئێن ئاڕ تی ڕاگەهاند، پشتی کو ل چەند رۆژێن دەربازبوویی هەشت ملیار و ٣٣١ ملیۆن دینار وەک پارەیێ قۆناغا دوویێ یێ گەنمێ جوتیاران بۆ سالا ٢٠٢٠ێ گەهشتیە پارێزگەها دهۆکێ، هەمی پێرابونێن ژمێریاری هاتنە تەمامکرن، ئەڤرۆ چارشەمبیێ ژی وان دەست ب پارڤەکرنا وی پارەی کریە، بسەر وان جوتیارێن کو هەیا ١٦ێ ڤێ مەهێ گەنمێ خۆ رادەستێ سایلویێن زاخۆ و شێخان و فەیدیێ کرین.

دیار ژی کر، د ئەڤسالە دا ١١٥هزار تەنێن گەنمێ جوتیارێن پارێزگەها دهۆکێ ل سایلویێن زاخۆ و فەیدیێ و شێخان هاتینە وەرگرتن و رادەستی وەزارەتا بازرگانیا عێراقێ هاتنە کرن.

بەحسا وێ یەکێ ژی کریە، کۆژمێ پارێ گەنمێ جوتیارێن ئەڤ سالە دگەهیتە ٥٦ ملیار دیناران، د قۆناغا ئێکێ دا ٣ ملیار دینار گەهشتبوونە وان و لسەر جوتیاران هاتبوونە پارڤەکرن، هەروەسا گوتیە، د قۆناغا دوویێ دا هەشت ملیار و ٣٤٢ ملیۆن دینار گەهشتینە وان و دەست ب پارڤەکرنا وان بسەر جوتیاران کرینە.

ئەو یەک ژی دازانین، نها ٤٥ ملیار دینارێن دیێن جوتیارێن پارێزگەها دهۆکێ دمینن و ئەو ژی چاڤەرێ دکەن هەر دەمێ گەهشتنە دەستێ وان، دێ دەست ب پارڤەکرنێ کەن بسەر جوتیارێن کو هەیا ١٦ێ ڤێ مەهێ گەنمێ خۆ ڕادەستی هەریەک ژ سایلویێن زاخۆ و فەیدیێ و شێخان کرین.